શહેરા, શહેરા અણીયાદ ચોકડી વિસ્તાર માંથી પસાર થતા માર્ગ ઉપર ટ્રાફિક સમસ્યા સર્જાતા અહીંથી પસાર થતા વાહન ચાલકો હેરાન પરેશાન થતા હોવા સાથે સમયનો પણ વેડફાટ થતો હોય છે.માર્ગને અડીને વાહન ચાલકો પોતાના નાના-મોટા વાહનો મૂકીને જતા રહેતા હોય તેમ છતાં પોલીસ તંત્ર દ્વારા આ સામે અસર કારક કાર્યવાહી કરવામા અહી નહિ આવતા ટ્રાફિક સમસ્યા સાથે નાના મોટા અકસ્માતો અમુક સમયે બનતા હોય ત્યારે જવાબદાર તંત્ર દ્વારા આ બાબતને ગંભીરતાથી લેવામાં આવવી જોઈએ સાથે વાહન ચાલકોના માથાના દુખાવા સમાન બનેલ આ ટ્રાફિક સમસ્યા હલ થાય તે માટે ની કાર્યવાહી કરાશે ખરી? સતત વાહનોથી આ ધમધમતા માર્ગ ઉપર ટ્રાફિક સમસ્યા ના કારણે અમુક સમયે વાહન ચાલકો ની નારાજગી પણ સંબંધિત તંત્ર સામે જોવા મળતી હોય છે.