શહેરા, શહેરા અણીયાદ ચોકડી વિસ્તારમાં પસાર થતા હાઇવે ઉપર બન્ને તરફ બમ્પ મૂક્યા બાદ ચેતવણીના બોર્ડ મૂકવામાં આવ્યા નથી. હાઇવે ઉપર દિવસ અને રાત્રી દરમિયાન સતત વાહનોની અવર જવર રહેવા સાથે અન્ય રાજ્યના પણ વાહન ચાલકો અહીંથી પસાર થતા હોય તેમ છતાં બમ્પ ને લગતા ચેતવણી બોર્ડ હાઇવે ઉપર કોઈ જગ્યાએ મૂકવામાં નહી આવવા સાથે કલ્યાણ કંપની દ્વારા અહી કોઈ મોટી ઘટના બને એની રાહ દેખી રહયુ હોય એમ લાગી રહ્યું છે. જોકે, આ બમ્પના કારણે અમુક વાહનો બંધ થઈ જતા ટ્રાફિકજામના પણ દ્રશ્યો અહીં અમુક સમયે જોવા મળતા હોય છે. સબંધિત તંત્ર ઉપરોક્ત આ બાબતને ધ્યાનમાં લઈને અહીં યોગ્ય કાર્યવાહી હાથધરીને અહીંથી પસાર થતા વાહન ચાલકોને વધુ તકલીફનો સામનો ન કરવો પડે એવી આશા વાહન ચાલકો રાખી રહ્યા હતા.