શહેરા,શહેરા સહીત સમગ્ર જિલ્લામાં રમજાન ઈદના પર્વને લઈને મુસ્લિમ બિરાદરોમાં અનેરો આનંદ અને ઉત્સાહનો માહોલ જોવા મળવા સાથે ઇદની વિશેષ નમાજ અદા કરી હતી.
શહેરા સહિત જીલ્લાભરમા ઈદ ઉલ ફિત્ર ની મુસ્લિમ સમાજ દ્વારા ભારે હર્ષોલ્લાસ સાથે ઉજવણી કરવામાં આવી હતી. ઈદગાહ ખાતે ઈદ ની વિશેષ નમાઝ મુસ્લિમ બિરાદરો દ્વારા અદા કરવામાં હતી. મુસ્લિમ વિસ્તારમાં ઠેર ઠેર મુસ્લિમ સમાજના લોકો પોતાના પરંપરાગત પોશાક પહેરેલા જોવા મળી રહયા હતા. ઈદની ખુશીમાં મુસ્લિમ બિરાદરોએ એક બીજાને ગળે લગાવી અંત:કરણ થી ઈદની શુભેચ્છાઓ પાઠવી હતી. શહેરા, હાલોલ, કાલોલ સહિત જીલ્લાભરમાં મુસ્લિમ બિરાદરોમાં ઈદના પર્વને લઇને અનેરો આનંદ અને ઉત્સાહ જોવાઈ રહયો હતો.