શહેરા,રાજય સરકાર દ્વારા પ્રજાના પ્રશ્ર્નો સાંભળવા અને તેના ઉકેલા માટેના ત્રિ સ્તરીય સ્વાગત કાર્યક્રમના ભાગરૂપે ગ્રામ્ય વિસ્તારના પ્રશ્ર્નો સાંભળવા અને તેના ઉકેલ માટેનુ આયોજન બોરીયા જિલ્લા પંચાયત સીટના બલુજીના મુવાડા પ્રાથમિક શાળા ખાતે કરવામાં આવ્યુ હતુ. જેમાં બોરીયા વિસ્તારના બોરીયા ગામના સિંચાઈના પ્રશ્ર્નો, બલુજીના મુવાડા ગામના કેનાલથી લીકેજ થતાં ખેડુતોની જમીનોને થઈ રહેલા નુકસાનથી બચવા ગટર લાઈનના પ્રશ્ર્નો, વિઘુતના પ્રશ્ર્નોની રજુઆત ગામ લોકો દ્વારા કરવામાં આવી હતી. આ પ્રસંગે તાલુકા વિકાસ અધિકારી રણજીતસિંહ માટીએડા દ્વારા સરકારની વિવિધ યોજનાઓ અંગે પ્રજાને માર્ગદર્શન અપાતા મોટી સંખ્યામાં ગ્રામજનો ઉપસ્થિત રહ્યા હતા.