શહેરા, શહેરાના અણીયાદ ચોકડી હાઈવે રોડ ઉપર પોલીસના વાહન ચેકિંગ દરમિયાન ફોર વ્હિલ કારને રોકી ચેકિંગ કરવામાં આવતા કારમાંથી ઈંગ્લીશ દારૂ કિ.રૂ.34,560/-મોબાઈલ ફોન અને કાર મળી કુલ રૂ.1,89,560/-ના મુદ્દામાલ સહિત બે ઈસમોને પોલીસે ઝડપી પાડ્યા હતા.
પ્રાપ્ત માહિતી અનુસાર શહેરાના અણીયાદ ચોકડી લુણાવાડા-ગોધરા રોડ ઉપર પોલીસ વાહન ચેકિંગમાં હોય દરમિયાન ફોર વ્હિલ ગાડી નં.જીજે-06-પીઈ-1734ને રોકી ચેકિંગ કરવામાં આવતા કારમાંથી ભારતીય બનાવટનો ઈંગ્લીશ દારૂની કાચની બોટલો નંગ-336 કિ.રૂ.34,560/-અને મોબાઈલ ફોન અને કાર મળી કુલ રૂ.1,89,560/-ના મુદ્દામાલ સાથે આરોપી નરેન્દ્રકુમાર હિંમતસિંહ ચોૈહાણ (રહે.લાભી, શહેરા)અને કેશવકુમાર ફતેસિંહ પગી(રહે.ગુણેલી, શહેરા)ને ઝડપી પાડવામાં આવ્યા હતા. આ બાબતે શહેરા પોલીસ મથકે પ્રોહિબિશન એકટ હેઠળ ગુનો નોંધી આગળ કાર્યવાહી હાથ ધરી હતી.