મુંબઇ, ચેન્નાઈ સુપર કિંગ્સની ટીમને છેલ્લી ઓવરમાં જીતવા માટે ૧૩ રનની જરૂર હતી અને ગુજરાત ટાઇટન્સનો અનુભવી બોલર મોહિત શર્મા બોલિંગ પર હતો. મોહિતે આ પહેલા ઓવરમાં સતત બોલમાં ૨ વિકેટ ઝડપી હતી. આ સિઝનમાં સૌથી વધુ વિકેટ લેનારા બોલરોની યાદીમાં તે ટોપ ત્રણમાં પણ છે.
આવી સ્થિતિમાં, જ્યારે મોહિતે શિવમ દુબે અને રવિન્દ્ર જાડેજાને પ્રથમ ચાર બોલમાં માત્ર ૩ રન આપ્યા હતા, તો પછીના બે બોલમાં તે ૧૦ રનનો બચાવ ન કરી શકે તેનું કોઈ કારણ નહોતું. પરંતુ હાર્દિક પંડ્યા અને આશિષ નેહરાએ અહીં પરિપક્વતા દર્શાવી ન હતી.
હાર્દિક એક કેપ્ટન તરીકે વિકાસ કરતો જોવા મળ્યો હતો પરંતુ તેણે આ મેચમાં યોગ્ય તક ગુમાવી દીધી હતી. મોહિત શર્માને છેલ્લા ૨ બોલ ફેંક્તા પહેલા પાણી મોકલવામાં આવ્યું હતું અને હાર્દિક પંડ્યાએ પણ આવીને તેની સાથે વાત કરી હતી. તેનાથી બોલરની લય અને તેની લાઇન પણ ખરાબ થઈ ગઈ.
રવિન્દ્ર જાડેજાએ મોહિતના આગળના બોલ પર લોન્ગ-ઓન પર સિક્સર ફટકારી, પછી છેલ્લો બોલ ફ્લેગ સાઈડ પર બોનસ જેવો લાગ્યો. ઈન્ડિયા ટુડે સાથે વાત કરતા ગાવસ્કરે હાર્દિક પંડ્યા પર આકરા પ્રહાર કર્યા. ગાવસ્કર કહે છે કે જ્યારે બોલર આટલી સારી બોલિંગ કરી રહ્યો હોય ત્યારે તમારે તેને ડિસ્ટર્બ કરવાની જરૂર નથી. મોહિત જાણતો હતો કે તેણે શું કરવાનું છે, પણ તેં તેની લય બગાડી.
વિરેન્દ્ર સેહવાગે પણ ક્રિકબઝ પર વાત કરતા આવું કહ્યું હતું. સેહવાગ કહે છે કે જો મોહિત છેલ્લી ઓવરમાં ચોગ્ગા અને છગ્ગા ફટકારતો હતો તો હાર્દિકે વાત કરવાની જરૂર હતી. પરંતુ જ્યારે ચાર પરફેક્ટ બોલ નાખવામાં આવ્યા ત્યારે બોલરને ડિસ્ટર્બ કરવાની જરૂર નહોતી.
સેહવાગ કહે છે, “હાર્દિકે પૂછ્યું હશે કે બોલરને ફિલ્ડિંગમાં કોઈ ફેરફારની જરૂર છે કે નહીં, પરંતુ, જો હું મેદાન પર હોત, તો મેં બોલરને પરેશાન ન કર્યો હોત.” તમને જણાવી દઈએ કે આ મેચમાં ૨૦ ઓવરમાં ૪ વિકેટે ૨૧૪ રન બનાવ્યા બાદ ગુજરાત ટાઇટન્સે વરસાદના કારણે સુધારેલા ટાર્ગેટમાં ચેન્નાઈ સુપર કિંગ્સ સામે ૫ વિકેટે હારનો સામનો કરવો પડ્યો હતો.