ગોધરા, રાજ્ય સહિત પંચમહાલ જીલ્લામાં તારીખ 26 થી 28 જૂન દરમિયાન ક્ધયા કેળવણી અને શાળા પ્રવેશોત્સવ-2024ની ધામધૂમથી ઉજવણી કરવામાં આવી છે. જીલ્લામાં શાળા પ્રવેશોત્સવની સાથે સાથે જીલ્લા પંચાયતના પ્રમુખ તેમજ ગોધરા તાલુકાના ધારાસભ્ય સી.કે.રાઉલજી, કાલોલ તાલુકાના ધારાસભ્ય ફતેસિંહજી ચૌહાણ,હાલોલ તાલુકાના ધારાસભ્ય જયદ્રથસિંહજી પરમાર, મોરવા હડફ તાલુકાના ધારાસભ્ય નિમિષાબેન સુથાર સહિત જીલ્લા શિક્ષણ સમિતિના ચેરમેન અરવિંદસિંહજી પરમાર તેમજ જીલ્લા અને તાલુકા કક્ષાના અધિકારીઓ, સબંધિત શાળાઓના વિશાળ સંખ્યામાં ગ્રામજનો, એસએએમસી સભ્યોની ઉપસ્થિતિમાં પંચમહાલ જીલ્લાની જુદા જુદા તાલુકાઓની કુલ 15 શાળાઓના 81 ઓરડાઓનું લોકાર્પણ કરવામાં આવ્યું હતું.
જીલ્લાના મોરવા હડફ તાલુકામાં નાટાપુર, વેજમાં માતરીયા, સંતરોડ, ચાંદપુર, વેજમા અને ખાનપુર શાળાઓમાં 47 ઓરડાઓનું લોકાર્પણ, ગોધરા તાલુકામાં અંબાલી, ઓરવાડા,ગોલ્લાવ, હરિજંબા અને ઉત્તર બોડીદ્રા પ્રાથમિક શાળાઓના 18 ઓરડાનું લોકાર્પણ, કાલોલ તાલુકામાં બેઢિયા અને ગોલીબાર પ્રાથમિક શાળાઓના 10 ઓરડા તથા ઘોઘંબા તાલુકાના મહાદેવિયા અને જોરાપુરા પ્રાથમિક શાળાઓના 8 ઓરડાઓનું મહાનુભવોના હસ્તે લોકાર્પણ કરાયું હતું.