- યુનિવર્સિટીના રજીસ્ટ્રારે ગાંધીગ્રામ પોલીસ સ્ટેશનમાં જીગર ભટ્ટ નામના શખ્સ સામે ફરિયાદ નોંધાવી.
રાજકોટ,
સૌરાષ્ટ્ર યુનિવર્સિટીમાં બીએ, બીકોમના પેપર ફૂટવાને મામલે સૌરાષ્ટ્ર યુનિવર્સિટીની એચ.એન.શુકલ કોલેજના કર્મી સામે ફરિયાદ નોંધાઈ છે. કોલેજના કર્મી જીગર ભટ્ટ સામે ફરિયાદ નોંધાઇ છે. આ મામલે યુનિવર્સિટીના રજિસ્ટ્રાર અમિત પારેખે ફરિયાદ નોંધાવી છે. જ્યારે ગત ઓક્ટોબર ૨૦૨૨માં મહિનામાં પેપર ફૂટ્યા હતા. ઓક્ટોબરમાં પેપર ફૂટ્યા બાદ હજુ સુધી ફરિયાદ નોંધાઈ નહોતી. આખરે પેપર ફૂટવા મુદ્દે ફરિયાદ નોંધાઈ છે.
અત્યાર સુધી ફરિયાદ નોંધાવવામાં આનાકાની કરતી યુનિવર્સિટીનું તંત્ર મીડિયાના અહેવાલો બાદ જાગ્યું છે. યુનિવર્સિટીના રજીસ્ટ્રારે ગાંધીગ્રામ પોલીસ સ્ટેશનમાં જીગર ભટ્ટ નામના શખ્સ સામે ફરિયાદ નોંધાવી છે. જીગર ભટ્ટ એચ.એન.શુક્લ કૉલેજનો કર્મચારી છે. આ જ કૉલેજમાંથી પેપર ફૂટ્યું હતું. આ કૉલેજ ભાજપના કોર્પોરેટર અને આગેવાન નેહલ શુક્લની છે. જેના પર આરોપ છે તે જીગર ભટ્ટ કોર્પોરેટર નેહલનો અંગત મદદનીશ પણ છે. મહત્વનું છે કે ૧૨ ઓક્ટોબરના રોજ બીબીએ અને બી.કોમના રોજ પેપર ફૂટ્યું હતું. બંને પરીક્ષાના પેપર સોશિયલ મીડિયામાં વાયરલ થયા હતા. મળતી માહિતી પ્રમાણે, ભાજપના બે જૂથ વચ્ચેની લડાઇમાં વિદ્યાર્થીઓના ભાવિ સાથે ચેડાં કરવામાં આવ્યા હોવાની ચર્ચા છે. સેનેટની ચૂંટણી અને પ્રોફેસર ભરતી કાંડને લઈ ભાજપના બે જૂથ આમને-સામને હતા. જેમાં એક જૂથે બીજા જૂથને પાડી દેવા માટે આ કૃત્ય કર્યું હોવાની ચર્ચા છે.
બી કોમ અને બીબીએનું પેપર લીક થવાના કેસમાં તપાસમાં એફએસએલની ટીમે તપાસ હાથ ધરી હતી. તેમજ અલગ અલગ કોલજમાં મોકલવામાં આવેલા બોક્સ અને કવરની તપાસ કરવામાં આવી હતી. તપાસ દરમિયાન કોલેજોમાંથી પરત મંગાવેલા બી.કોમના ૯૭માંથી ૨૨ બોક્સ ખુલ્લા જોવા મળ્યા હતા. સતત વિવાદમાં રહેતી સૌરાષ્ટ્ર યુનિવર્સિટીના બીબીએ અને બી.કોમની પરીક્ષાના પેપર લીક થયા હોવાનું સામે આવ્યું હતુ..સૌરાષ્ટ્ર યુનિવર્સિટીના બીબીએ અને બી.કોમ સેમેસ્ટર-૫ના પેપર લીક થયા હતા. આ ઘટના બાદ બીબીએનું નવું પેપર રાતોરાત બદલી સવારે પાંચ વાગ્યે તમામ કોલેજોને મોકલી અપાયુ હતું. જ્યારે કે, બી.કોમનું પેપર રદ્ કરાયું હતુ.