ભારત સરકાર હવે ચીન પ્રત્યે થોડીક દયા બતાવવાનું વિચારી રહી છે. ગાલવાન ખીણની ઘટના બાદ બંને દેશો વચ્ચેના સંબંધો તંગ બની ગયા છે. ચીનની ઘણી કંપનીઓને પણ દેશની બહારનો રસ્તો દેખાડવામાં આવ્યો છે. એટલું જ નહીં, ભારતમાં રોકાણ કરતી ચીની કંપનીઓ પર પણ પ્રતિબંધ છે. પરંતુ હવે સરકાર ભારતમાં કેટલીક કંપનીઓના રોકાણને મંજૂરી આપી શકે છે.
આ અંગેની માહિતી ધરાવતા સૂત્રોને ટાંકીને ઈ્ના અહેવાલમાં જણાવાયું છે કે સરકાર કેટલીક ચીની કંપનીઓ દ્વારા રોકાણને મંજૂરી આપવાના વિકલ્પો પર વિચાર કરી રહી છે. આ મુખ્યત્વે સોલાર મોડ્યુલ અને ક્રિટિકલ મિનરલ્સ સેક્ટરમાં કામ કરતી કંપનીઓ છે.
ઉચ્ચ ટેકનોલોજીની આવશ્યક્તા ધરાવતા સોલાર મોડ્યુલ અને ક્રિટિકલ મિનરલ્સ સેક્ટર માટે ચીની કંપનીઓ દ્વારા રોકાણનો મુદ્દો વાણિજ્ય અને ઉદ્યોગ મંત્રાલયના ટેબલ પર છે. આ ક્ષેત્રમાં કામ કરતી કેટલીક ચીની કંપનીઓને રોકાણ પ્રતિબંધના નિયમોમાંથી મુક્તિ આપવા માટે વાતચીત ચાલી રહી છે, જોકે આ વાટાઘાટો હજુ ખાનગી છે અને આ મુદ્દે હજુ સુધી કોઈ અંતિમ નિર્ણય લેવામાં આવ્યો નથી.
લિથિયમમાંથી બનેલી બેટરીનો પણ ક્રિટિકલ મિનરલ્સમાં સમાવેશ થાય છે. સરકારે બજેટમાં બેટરી અને સોલાર મોડ્યુલ પરની કસ્ટમ ડ્યુટીમાં પણ ઘટાડો કર્યો છે, જે ઉર્જા સંરક્ષણ, ઉર્જા સંક્રમણ અને ઇલેક્ટ્રોનિક્સ ઉત્પાદનને પ્રોત્સાહન આપવા માટે દેશની જરૂરિયાતોને અનુરૂપ છે. સરકારનું સોલાર અને ઇવી બંને પર મોટું યાન છે.વધુમાં, સરકારના આથક સર્વે ૨૦૨૩-૨૪માં સ્પષ્ટપણે કહેવામાં આવ્યું છે કે દેશમાં વધુ રોકાણ આકર્ષવાની જરૂર છે. તેથી જ સરકાર ચીનની કંપનીઓના રોકાણને મંજૂરી આપવાનું વિચારી રહી છે. રોઇટર્સના એક સમાચારમાં, સરકાર ચીન પ્રત્યે દયા બતાવે તેવી શક્યતાની ચર્ચા કરવામાં આવી છે. બજેટમાં પણ સરકારે એન્જલ ટેક્સ નાબૂદ કરવા અને વિદેશી કંપનીઓના કોર્પોરેટ ટેક્સને ૪૦થી ઘટાડીને ૩૫ ટકા કરવા જેવી જોગવાઈઓ કરી છે.