લુણાવાડા,
16 વર્ષની સગીરાને લલચાવી ફોસલાવી પટાવી ભગાડી જવાના ગુન્હામાં આરોપી મુકેશભાઈ રમેશભાઈ માલીવાડને પોકસો એકટ હેઠળ ર0 વર્ષની સખત કેદ અને દંડની સજામહીસાગર લુણાવાડાના એડીશનલ સેશન્સ જજની કોર્ટમાં સ્પે.પોકસો. કેસ ચાલી જતા ઈ.પી.કો.કલમ તેમજ પોકસો એકટ હેઠળ ગુનામાં તકસીરવાન ઠરાવીને આરોપીને ર0 વર્ષની સખત કેદ અને દંડ હુકમનો આદેશ.
કોર્ટ દવારા કાનુની સેવા સત્તા મંડળ મહીસાગરને ભોગબનનારને રૂપિયા ત્રણ લાખ વળતર પેટે ચુકવવાનો હુકમ.
આ કેસની વિગત એવી છે કે, મહીસાગર જીલ્લાના સંતરામપુર તાલુકાના નાન સલાઈ ગામના આરોપી મુકેશભાઈ રમેશભાઈ માલીવાડનાઓએ સને ર0ર0માં 16 વર્ષની સગીરાને લલચાવી ફોસલાવી પટાવી ભગાડી જઈ યોન શોષણ કરેલ હોય આરોપી વિરૂધ્ધ સંતરામપુર પોલીસ સ્ટેશનમાં પોકસો એકટ તેમજ ઈ.પી.કો.કલમ મુજબ ગુનો નોંધાયા બાદ મહીસાગરના એડીશનલ સેશન્સ જજની કોર્ટમાં સ્પે.પોકસો. કેસ શરૂ થયો હતો. આરોપી વિરૂધ્ધ સદર કેસ ચાલી જતા અને સરકાર તરફે સરકારી વકીલ જયવીરસિંહ જે. સોલંકીની દલીલોને ગ્રાહય રાખી સ્પે.પોકસો જજ અને એડીશનલ સેશન્સ જજ જે.એન.વ્યાસ એ આવા ગુન્હાઓ અટકાવવા સારૂ સમાજમાં દાખલો બેસે તેવો ચુકાદો આપ્યો હતો અને કોર્ટે ઈ.પી.કો.કલમ તેમજ પોકસો એકટ હેઠળ આરોપી મુકેશભાઈ રમેશભાઈ માલીવાડનેે ર0 વર્ષની સખત કેદ અને દંડ ફટકારતો હુકમ કર્યો અને ભોગબનનારને કાનુની સેવા સત્તા મંડળ મહીસાગરને રૂપિયા ત્રણ લાખ વળતર પેટે ચુકવવાનો હુકમ કર્યો.