સંતરામપુર, સંતરામપુર તાલુકાના ખેડાપા આઉટ પોસ્ટ પોલીસ હદ ના સરાડ ગામ નજીકથી નાકાબંધી દરમિયાન પોલીસ ને જોઈને શેવરોલેટ ગાડી નં.જીજે.06.ડીકયુ.6541ની ગાડીના ચાલકેને તેની બાજુમાં બેઠેલા ઈસમે ગાડીને તળાવ નજીક થી પસાર થતા આરસીસી રોડે થઈ નજીકમાં આવેલ ખેતરમાં દારૂ ભરેલી કાર મુકીને રાત્રીના અંધારાનો લાભ લઇ નાસી ગયેલ.
પોલીસે આ ગાડીમાં તપાસ હાથ ધરતાં આ શેવરોલેટ ગાડીમાં ભારતીય બનાવટનો પરપ્રાંતીય દારૂનો જથ્થો વગર પાસપરમીટનો મળી આવતાં પોલીસે કાયદેસરની કાર્યવાહી હાથ ધરેલને આ કારમાં તપાસ કરેલ હતી, તો આ કાર માંથી ઈંગ્લીશ દારૂની નાની મોટી કાચની બોટલ નંગ. 60કિમત રૂપિયા 16,500/- તથા પતરાના બીયરના ટીન નંગ-48. કીમત રૂપિયા 6000, કાચની બિયરની બોટલો નંગ.60 કિંમત રૂપિયા 16,500તથા બિયરની બોટલો કાચની નંગ. 24 કિમત રૂપિયા 3840/-નો દારૂનો જથ્થો ઝડપી પાડીને ગાડીના ચાલકને તેની બાજુમાં બેઠેલા ઈસમ વિરૂદ્ધ ગુનો પ્રોહબીશનનો દાખલ કરીને કુલ કિંમત રૂપિયા 26,340નો દારૂનો જથ્થોને આ ગેરકાયદેસર રીતે દારૂ વહન કરવામાં ઉપયોગમાં લેવામાં આવેલ શેવરોલેટ ગાડી કિંમત રૂપિયા દોઢ લાખ મળીને કુલ રૂપિયા એક લાખ છોત્તેર હજારનો મુદ્દામાલ કબજે કર્યો છે.