સંંતરામપુર,સંતરામપુર તાલુકાની ગ્રામ પંચાયતોમાં 40 જેટલા વીસી કામગીરી નિભાવતા હોય છે. આવકના દાખલા અને વિવિધ પ્રકારની કામગીરી કોમ્પ્યુટર પર કરતા હોય છે અને આ વીસીને કમિશન આપવામાં આવતું હોય છે, પરંતુ 15 માં નાણાપંચની 10% રકમ અને રાઇટર ગ્રાન્ટ માંથી તા. 23/2/2023 ના રોજ તાલુકા વિકાસ અધિકારી દ્વારા પરિપત્ર કરવામાં આવેલ હતું કે 24 હજાર રૂપિયા રકમ દરેક વીસીને ચૂકવવાની રહેશે. પરંતુ આજે નવ મહિના પૂર્ણ થયા છતાં આ પરિપત્રોને આજ દિન સુધી અમલમાં લેવામાં આવેલો નથી. જેના કારણે દિવાળીના અગાઉની તહેવારમાં તહેવાર પહેલા જ અમને રકમ ચૂકવવામાં આવે તો જેથી કરીને અમારા પરિવાર સાથે દિવાળીનો તહેવાર ઉજવણી કરી શકાય તેના અનુલક્ષી લઈને તાલુકા પંચાયત કચેરીમાં તાલુકા પ્રમુખની લેખિતમાં તમામ વીસીએ રજૂઆત કરી હતી.