ગોધરા, 11 એપ્રિલ 2024ના રોજ બંજારા પાર્ટી પ્લોટ ખાતે સમસ્ત ગુજરાત બ્રહ્મ સમાજ રાજ્યકક્ષા ગોધરા એકમની મહિલા વિભાગની કારોબારીની પદનિયુક્તિ પત્ર વિતરણ કાર્યક્રમ સમસ્ત બ્રહ્મ સમાજ રાજ્યકક્ષાના મહામંત્રી ડોક્ટર અશ્ર્વિન ત્રિવેદીની અધ્યક્ષતામાં યોજાઈ ગયો. આ પ્રસંગે મહિલા વિભાગના ગોધરા નગરના મહિલા અધ્યક્ષ નિધિબેન જોશી , મહિલા વિભાગના વૈશાલીબેન ત્રિવેદી, ઉપાધ્યક્ષ નેહાબેન શર્મા, મહામંત્રી નયનાબેન જોશી તથા કારોબારી સમિતિને નિયુક્તિ પત્રો એનાયત કરવામાં આવેલ. રાજ્યકક્ષાના સાંસ્કૃતિક અને સહકાર સેવા પ્રભારી એને ટ્રસ્ટી આશિત ભટ્ટ,પ્રદેશ મંત્રી અર્પિત ઠાકર, સહ પ્રભારી પંચમહાલ મહીસાગર જીલ્લાના કાર્તિક ત્રિવેદી, પંચમહાલ જીલ્લા અધ્યક્ષ કૃણાલ ત્રિવેદી, ભૂમિબેન જોશી, ગૌરીબેન જોશી તથા બ્રહ્મ અગ્રણીઓ ઉપસ્થિત રહેલ ડો. યજ્ઞેશ દવેએ નવ નિયુક્ત પદાધિકારીઓને શુભેચ્છા પાઠવેલ. ત્યારબાદ સુંદરકાંડના પાઠનું ભવ્ય આયોજન કરવામાં આવેલ, જેમાં મોટી સંખ્યામાં ભૂદેવો એ હાજરી આપેલ હતી.