મુંબઇ,ભારતમાં બદલાતા સમયની સાથે ઘણા બદલાવ આવ્યા છે. હવે લોકો ઘણી વસ્તુઓ વિશે સામાન્ય થઈ રહ્યા છે. પરંતુ હજુ પણ એક મોટો વર્ગ છે જે પ્રગતિશીલ બનવા તૈયાર નથી. દેશમાં લાંબા સમયથી કલમ ૩૭૭ હટાવી દેવામાં આવી છે. આ અંતર્ગત હવે દેશમાં સમલૈંગિક લગ્ન એક સામાન્ય બાબત છે અને આમાં કોઈની વિરુદ્ધ કેસ દાખલ કરી શકાશે નહીં. થર્ડ જેન્ડરના લગ્નને પ્રોત્સાહન આપવા માટે કોર્ટમાં અનેક અરજીઓ પર સુનાવણી ચાલી રહી છે. આવી સ્થિતિમાં ફિલ્મ નિર્દેશક વિવેક અગ્નિહોત્રીએ આ અંગે પ્રતિક્રિયા આપી છે.
વિવેક અગ્નિહોત્રીએ ટ્વિટર પર આ મુદ્દે વાત કરી અને ટ્વિટના જવાબમાં ત્રીજા લિંગના લગ્નને સમર્થન આપ્યું. કલાકારો દેશના વિવિધ મુદ્દાઓ પર પોતાનો અભિપ્રાય વ્યક્ત કરવા માટે જાણીતા છે. તેમના વિચારોની છબિ તેમની ફિલ્મોમાં પણ જોઈ શકાય છે. દિગ્દર્શકે તેના તાજેતરના ટ્વીટમાં જણાવ્યું હતું કે દેશમાં સમલૈંગિક લગ્નને લઈને કેવું વાતાવરણ છે અને તેને કેવી રીતે સુધારવાની જરૂર છે.
વિવેકે કહ્યું એક જ જેન્ડરમાં લગ્ન કરવા એ વિદેશથી આવેલો કોન્સેપ્ટ નથી, પરંતુ માનવીની જરૂરિયાત છે. એવું બની શકે છે કે કેટલાક શહેરોમાં રહેતા સરકારી કર્મચારીઓ આ વાત સમજી શક્તા નથી. કારણ કે તેઓ તેમના જીવનમાં ક્યારેય નાના શહેરો અને ગામડાઓમાં ગયા નથી. પરંતુ સૌ પ્રથમ, સમાન લિંગ લગ્ન એક ખ્યાલ નથી. આ એક અધિકાર છે. આ એક આવશ્યક્તા છે. વળી, ભારત જેવા ઉદાર અને પ્રગતિશીલ દેશમાં સમાન જેન્ડરના લગ્ન સામાન્ય હોવા જોઈએ, કોઈ ગુનો નહીં.
તમને જણાવી દઈએ કે બોલિવૂડમાં ઘણા સમયથી સેમ સેક્સ મેરેજ પર ઘણી ફિલ્મો અને કન્ટેન્ટ પર કામ કરવામાં આવી રહ્યું છે. હંસલ મહેતા જેવા દિગ્દર્શકોએ હંમેશા આવી ફિલ્મો પર કામ કર્યું છે અને તેઓ ફિલ્મો દ્વારા પ્રગતિશીલ ભારતના વિચારને આગળ વધારવાનું કામ કરે છે. આ અંગે કોમેન્ટ્સ કરતાં તેમણે સુપ્રીમ કોર્ટ પર પણ નિશાન સાધ્યું હતું અને કહ્યું હતું કે, આ કાયદાને વહેલી તકે લોકોમાં સામાન્ય બનાવવાની જરૂર છે.