નવીદિલ્હી, સુપ્રીમ કોર્ટે ગે લગ્નને અમાન્ય જાહેર કર્યા છે. આ પછી અનેક પ્રકારની પ્રતિક્રિયાઓ સામે આવી રહી છે. હરિદ્વારમાં પણ સંતો કોર્ટના નિર્ણયના વખાણ કરી રહ્યા છે. આ બાબતે અખિલ ભારતીય અખાડા પરિષદના પ્રમુખ મહંત રવીન્દ્ર પુરીએ પણ સુપ્રીમ કોર્ટના નિર્ણયનું સ્વાગત કર્યું અને કહ્યું કે સમલૈંગિક્તા એક વિકૃતિ છે. સુપ્રીમ કોર્ટના નિર્ણયથી આને રોકી શકાય છે. તેમણે કહ્યું કે જો સમાજમાં સમલૈંગિક લગ્નો થશે તો બાળકો જન્મશે નહીં અને પેઢીઓ આગળ વધી શકશે નહીં. તેથી સુપ્રીમ કોર્ટના નિર્ણયને આવકારવો જોઈએ.
અખાડા પરિષદના પ્રમુખ મહંત રવીન્દ્ર પુરીએ કહ્યું કે સમલૈંગિક લગ્ન આપણા સમાજ માટે કઠોર મજાક છે. અમારા જેવા આધ્યાત્મિક લોકો તેને દુરુપયોગ માને છે. લગ્ન કેવી રીતે કરવા, કોની સાથે લગ્ન કરવા સ્ત્રી અને પુરુષ ભગવાને જ બનાવ્યા છે. પુરુષે સ્ત્રી સાથે લગ્ન કરવા જોઈએ,સ્ત્રીએ પુરુષ સાથે લગ્ન કરવા જોઈએ, આજ સુધી આ રિવાજ છે. હવે એક પુરુષ બીજા પુરુષ સાથે લગ્ન કરે એ કેવી રીતે શક્ય બને? સ્ત્રી માટે બીજી સ્ત્રી સાથે લગ્ન કરવું એ સારી વાત નથી. આ બધું થવા માંડશે તો બાળકો ક્યાંથી જન્મશે?
ઉલ્લેખનીય છે કે સુપ્રીમ કોર્ટે મંગળવારે સમલૈંગિક લગ્નને કાયદાકીય માન્યતા આપવાનો ઇન્કાર કરી દીધો હતો. કોર્ટે એમ પણ કહ્યું હતું કે કાયદા દ્વારા માન્ય હોય ત્યાં સિવાય લગ્ન કરવાનો અમર્યાદિત અધિકાર નથી. મુખ્ય ન્યાયાધીશ ડીવાય ચંદ્રચુડની આગેવાની હેઠળની પાંચ સભ્યોની બંધારણીય બેન્ચે સમલૈંગિક લગ્નોને કાનૂની માન્યતા આપવા માટેની ૨૧ અરજીઓની સુનાવણી કરતી વખતે ચાર અલગ-અલગ ચુકાદા આપ્યા હતા. ઐતિહાસિક ચુકાદામાં બેન્ચે સર્વસંમતિથી સ્પેશિયલ મેરેજ એક્ટ હેઠળ ગે લગ્નને કાનૂની માન્યતા આપવાનો ઇનકાર કર્યો હતો. આ સાથે કોર્ટે કહ્યું કે આ અંગે કાયદો બનાવવાનું કામ સંસદનું છે.
સુપ્રીમ કોર્ટે જો કે, સમલૈંગિક લોકો માટે સમાન અધિકારો અને રક્ષણને માન્યતા આપી હતી અને સામાન્ય લોકોને આ બાબતે સંવેદનશીલ બનવાનું આહ્વાન કર્યું હતું જેથી તેઓને ભેદભાવનો સામનો ન કરવો પડે. ચીફ જસ્ટિસે ૨૪૭ પેજનો અલગ ચુકાદો લખ્યો હતો. જસ્ટિસ સંજય કિશન કૌલે ૧૭ પાનાનો ચુકાદો લખ્યો હતો જેમાં તેઓ મોટાભાગે જસ્ટિસ ચંદ્રચુડના વિચારો સાથે સહમત હતા. જસ્ટિસ એસ રવિન્દ્ર ભટ્ટે પોતાના અને જસ્ટિસ હિમા કોહલી માટે ૮૯ પાનાનો ચુકાદો લખ્યો હતો. જસ્ટિસ પીએસ નરસિમ્હાએ તેમના ૧૩ પાનાના ચુકાદામાં કહ્યું કે તેઓ જસ્ટિસ ભટ્ટ દ્વારા આપવામાં આવેલા તર્ક અને તારણો સાથે સંપૂર્ણ રીતે સંમત છે.