મુંબઇ, મુંબઈ ડ્રગ કેસમાં શાહરૂખ ખાનના પુત્ર આર્યન ખાનની ધરપકડ કરનાર મુંબઈ નાર્કોટિક્સ કંટ્રોલ બ્યુરોના ઝોનલ ઓફિસર સમીર વાનખેડે ફરી એકવાર સમાચારમાં છે. આ વખતે તેઓ લોક્સભા ચૂંટણી લડશે તેવી ચર્ચા છે. એવી અટકળો છે કે મહારાષ્ટ્રમાંથી ચાર અમલદારો ૨૦૨૪માં ભારતીય જનતા પાર્ટીની ટિકિટ પર ચૂંટણી લડશે, જેમાં સમીર વાનખેડેનું નામ પણ છે.
એક અહેવાલ અનુસાર સમીર વાનખેડે વાશીમ ભાજપ તરફથી યવતમાલથી ચૂંટણી લડી શકે છે. આ દરમિયાન સમીર વાનખેડે તરફથી જવાબ આવ્યો છે. એક ઈન્ટરવ્યુમાં તેઓ ચૂંટણી લડવા માટે સહમત નહોતા, પરંતુ સ્પષ્ટપણે ઇન્કાર પણ કર્યો ન હતો. તેમણે કહ્યું કે તેઓ આ અંગે કંઈપણ ટિપ્પણી કરવા માંગતા નથી અને હાલમાં તેઓ ચેન્નાઈમાં સરકારી અધિકારી છે.
સમીર વાનખેડેએ એમ પણ કહ્યું હતું કે તેમને દેશની સેવા કરવાની જે પણ તક મળશે તે કરશે. તેમણે કહ્યું હતું કે, ‘રાષ્ટ્ર સેવા માટે કામ કરવાનો મોકો મળે તો તે કરજો, પરંતુ કાલે શું થશે તે કોણ જાણે છે. અત્યારે હું માત્ર એક સરકારી કર્મચારી છું. તેમની સાથે મહારાષ્ટ્રના વધુ ત્રણ અમલદારો ચૂંટણી લડશે તેવી ચર્ચા છે. સમીર વાનખેડેએ કહ્યું, ‘આ બહુ મોટા લોકો છે. આમાં મારું નામ ક્યાં લેવામાં આવે છે? હું ચેન્નાઈમાં એડિશનલ કમિશનર તરીકે કામ કરું છું. જો હું આવતીકાલે કંઈક વિચારીને નિર્ણય લઈશ તો તે પ્રમાણે આગળ વધીશ, પણ અત્યારે એવું કંઈ નથી.
વાશિમ જવાના પ્રશ્ર્ન પર સમીર વાનખેડેએ કહ્યું કે તે તેમનું ગામ છે અને તે ત્યાં જતો રહે છે. આ દિવસોમાં વાશિમથી તેના અને તેની પત્નીના ઘણા ફોટા સામે આવ્યા છે, જેમાં તે સોશિયલ વર્ક કરતા જોવા મળી રહ્યા છે. આ અંગે સમીર વાનખેડેએ કહ્યું, ‘વાશી મારું ગામ છે અને મને નથી લાગતું કે આ માટે મારે કોઈની પરવાનગી લેવી જોઈએ. હું નાનપણથી ગામડે જાઉં છું, મીડિયા કવર ન કરે તો એમાં મારો વાંક નથી. વાશિમ યવતમાનથી ચૂંટણી લડવાના પ્રશ્ર્ન પર તેમણે કહ્યું કે હું આ અંગે ટિપ્પણી કરવા માંગતો નથી. અત્યારે હું સરકારી અધિકારી છું.
અહેવાલમાં કહેવામાં આવ્યું હતું કે મહારાષ્ટ્રના ચાર અમલદારો કદાચ ભાજપની ટિકિટ પર લોક્સભાની ચૂંટણી લડવા માંગે છે. તેમાં પ્રવીણ પરદેસી, રાધેશ્યામ મોપરવાલ, ઉજ્જવલ ચવ્હાણ અને સમીર વાનખેડેના નામ સામેલ છે. સમીર વાનખેડે હાલમાં ચેન્નાઈ ડિરેક્ટોરેટ જનરલ ઓફ ટેક્સપેયર સવસમાં એડિશનલ કમિશનર તરીકે પોસ્ટેડ છે. તેમની પત્ની ક્રાંતિ રેડકર મરાઠી ફિલ્મ અભિનેત્રી છે. રિપોર્ટમાં કહેવામાં આવ્યું છે કે ક્રાંતિ અને સમીર આ દિવસોમાં વાશિમમાં ઘણા કાર્યક્રમોમાં જોવા મળે છે. જેના કારણે સમીર લોક્સભાની ચૂંટણી લડશે તેવી અટકળોએ વધુ વેગ પકડ્યો છે.
૨ ઓક્ટોબર, ૨૦૨૧ના રોજ આર્યન ખાન કેસમાં રિયા ચક્રવર્તીની ધરપકડ અને ૨૦૨૦માં સુશાંત સિંહ રાજપૂત હત્યા કેસમાં સમીર વાનખેડેનું નામ ખૂબ ચર્ચામાં આવ્યું હતું. હાલમાં તેની સામે લાંચ લેવાના આરોપમાં કેસ ચાલી રહ્યો છે. સમીર વાનખેડે પર આર્યન ખાનને ક્રૂઝ શિપ ડ્રગ બસ્ટ કેસમાંથી બહાર કાઢવા માટે શાહરૂખ ખાન પાસેથી ૨૫ કરોડ રૂપિયાની લાંચ માંગવાનો આરોપ છે. આ સિવાય મોંઘી ઘડિયાળોના ખરીદ-વેચાણ અને તેની વિદેશ યાત્રાઓ પર પણ સવાલો ઉઠાવવામાં આવ્યા હતા, જેના તે સાચા જવાબ આપી શક્યા ન હતા.