શહેરા,
શહેરા વિધાનસભા મત વિસ્તારમાં ભાજપ અગ્રણી મહેન્દ્રસિંહ ડાભી દ્વારા ખોજલવાસા ગામ ખાતે ભવ્ય લોક ડાયરાનું આયોજન કરવામાં આવ્યું હતુ. મમતા સોની ના ચાહકો તેમની એક ઝલક જોવા માટે ઉમટી આવ્યાં હતા. ભાજપના ચૂંટણી પ્રચાર અર્થે આવેલા મમતા સોનીએ કમળને જીતાડજો તેમ કહી વર્તમાન ધારાસભ્યના વખાણ કર્યા હતા.
પંચમહાલમાં વિધાનસભાની ચૂંટણીનો માહોલ જામ્યો છે ત્યારે પ્રથમ વખત શહેરા વિધાનસભાની ચૂંટણીમાં ભાજપ અગ્રણી મહેન્દ્ર સિંહ ડાભી દ્વારા ભવ્ય લોક ડાયરાનું આયોજન કરવામાં આવ્યું હતું. જેમાં ખોજલવાસા ગામ ખાતે ભાજપના પ્રચાર અર્થે ગુજરાતી ફિલ્મ અભિનેત્રી મમતા સોનીના ચાહકો મોટી સંખ્યામાં ઉમટી આવા સાથે સભા મંડપ પણ લોકોથી છલકાઈ ગયો હતો. જ્યારે મમતા સોનીએ ભાજપના ઉમેદવાર જેઠાભાઇ ભરવાડ સારા વ્યક્તિઓ સાથે તેઓ 25 વર્ષથી અહીં ચૂંટાઈ આવે છે અને આ વખતે પણ તમે બધા કમળને સાચવી રાખજો અને કમળને જીતાડજો તેમ કહી જેઠાભાઇ ભરવાડ ના વખાણ કર્યા હતા. જ્યારે મમતા સોની એ ભાજપ સાથે હું જોડાયેલી છું સારા ઉમેદવાર ને મત નાખવા માટે જણાવ્યું હતુ. જ્યારે હજારોની સંખ્યામાં ઉમટી આવેલ જનમેદનીને સબોંધતા વર્તમાન ધારાસભ્ય જેઠાભાઇ ભરવાડે સૌને કમળને વોટ આપવા માટે અપીલ કરવા સાથે એક લાખની લીડ થી મને જીતાડજો તેમ કહેવા સાથે કોંગ્રેસ અને આમ આદમી પાર્ટી પર આકરા પ્રહારો કર્યા હતા.