અગ્નિકાંડમાં જેલના સળિયા ગણતા પૂર્વ ટીપીઓ રંગીન મિજાજી હોવાનો ઘટસ્ફોટ થયો છે. રાજકોટના જ એક રહીશે ગંભીર આક્ષેપ કર્યો છેકે, અગ્નિકાંડનો મુખ્ય આરોપી પૂર્વ ટીપીઓ લેડિઝનો શોખીન છે. સાગઠિયા એક નંબરનો ઐય્યાશ માણસ છે. તે મારી પત્ની પાછળ લાખો રૂપિયા ઉડાવતો હતો.
સાગઠિયા મોજ મસ્તી કરવા માટે મારી પત્નીને બાય પ્લેન કુલુ-મનાલી લઈ જતો હતો. હું સામાન્ય માણસ છું અને સાગઠિયાનું સેટિંગ ઉપર સુધી છે. તેથી હું તેનું કંઈ બગાડી શકું તે નથી. એ જ ડરના લીધે કોઈ કોઈને આ દુ:ખની વાત કહી શક્તો નહોતો. પણ નિર્દોષ લોકોના મોત માટે જવાબદાર હત્યારાની હરક્તો સામે આવવી જ જોઈએ. સાગઠિયા મારી પત્નીને ઈચ્છા થાય ત્યા હરવા ફરવા લઈ જતો હતો. એવા તે એના ગણા સેટિંગો હતા. સાગઠિયાની કોલ ડિટેઈલ કાઢશો તો કરોડોના કૌભાંડનો તાળો મળશે.
રાજકોટમાં અગ્નિકાંડના કેસમાં બેજવાબદારી દાખવનાર અને હોદાનો દુરૂપયોગ કરી કરોડો રૂપિયાની બેનામી સંપતિ એકઠી કરવાના ગુનામાં જેલના સળિયા ગણતા પૂર્વ ટીપીઓ રેગીન મિજાજી હોવાનો ધડાકો થયો છે. સાગઠીયા પરી પાછળ લાખો રૂપિયા ઉડાવતો હોવાનો ખૂદ તે સ્ત્રીના પતિએ આક્ષેપ કરતા ચકચાર મચી જવા પામી છે. સાગઠીયા તેની પત્નીને બાય પ્લેન કુલુ-મનાલી કરવા પણ લઈ ગયો હોવાનો આક્ષેપ કર્યો છે.
ઉલ્લેખનીય છેકે, અહીં વાત થઈ રહી છે એમ.ડી.સાગઠિયાની જે રોજકોટના ગેમિંગ ઝોનમાં થયેલો અગ્નિકાંડનો હાલ મુખ્ય આરોપી છે. કારણકે, સાગઠિયા તત્કાલિન ટીપીઓ એટલેકે, તંત્રનો ટાઉન પ્લાનિંગ ઓફિસર હતો. તેણે ખોટી રીતે રૂપિયાખાઈને કટકી મારીને ખોટો પ્લાન પાસ કરીને આ લાક્ષાગૃહ તૈયાર કરાવ્યું હતું. સાગઠિયાએ આવી તો ઘણી પ્રોપર્ટીઓમાં ખોટા પ્લાન તૈયાર કરીને રૂપિયા લઈને લોકો માટે જોખમી ઈમારતો ખડી કરાવી હોવાનો પણ આક્ષેપ થઈ રહ્યો છે.