રશિયાના રાષ્ટ્રપતિ ઉત્તર કોરિયાની બે દિવસીય મુલાકાતે જશે. ઉત્તર કોરિયાની આ તેમની બીજી મુલાકાત છે. તે લગભગ ૨૪ વર્ષ બાદ મંગળવારે ઉત્તર કોરિયા પહોંચશે. પુતિનની ઉત્તર કોરિયાની સંભવિત મુલાકાતની ચર્ચા ઘણા સમયથી ચાલી રહી હતી. આ મુલાકાતની પુષ્ટિ ક્રેમલિન દ્વારા પણ કરવામાં આવી છે. ક્રેમલિને આ મુલાકાતને ‘મૈત્રીપૂર્ણ રાજ્ય મુલાકાત’ ગણાવી છે. તેમની મુલાકાત દરમિયાન પુતિન ઉત્તર કોરિયાના પ્રમુખ કિમ જોંગ ઉન સાથે મુલાકાત કરશે. પુતિન બુધવારે ઉત્તર કોરિયાથી વિયેતનામની મુલાકાત લઈ શકે છે.
રિપોર્ટ અનુસાર રાજધાની પ્યોંગયાંગના સુનાન ઈન્ટરનેશનલ એરપોર્ટ પર કિમ જોંગ ઉન પોતે પુતિનનું સ્વાગત કરશે. આ સાથે તેની બહેન કિમ યો જોંગ અને પુત્રી કિમ જુ એ હાજર રહેવાની આશા છે. ગયા અઠવાડિયે સૂત્રોએ સંકેત આપ્યા હતા કે પુતિનની મુલાકાત ટૂંક સમયમાં થવાની છે. સેટેલાઈટ ઈમેજીસમાં પુતિનની ઉત્તર કોરિયાની સંભવિત મુલાકાત માટે ચાલી રહેલી તૈયારીઓ પણ બહાર આવી છે.
પુતિનની મુલાકાતને લઈને એવી અટકળો છે કે કિમ જોંગ રશિયાને જરૂરી હથિયારોના બદલામાં આથક મદદ અને ટેકનોલોજી ટ્રાન્સફર સંબંધિત ડીલ કરી શકે છે. હકીક્તમાં, યુક્રેન યુદ્ધમાં રોકાયેલા રહેવા માટે રશિયાને વધુ શોની જરૂર છે. યુક્રેન યુદ્ધ શરૂ થયા બાદ ઉત્તર કોરિયા અને રશિયા વચ્ચે સૈન્ય અને આથક સહયોગ ઝડપથી વયો છે. અમેરિકા અને દક્ષિણ કોરિયાએ ઉત્તર કોરિયા પર રશિયાને દારૂગોળો, મિસાઈલ અને અન્ય સૈન્ય સાધનો આપવાનો આરોપ લગાવ્યો છે. એક રિપોર્ટમાં દક્ષિણ કોરિયાના સંરક્ષણ મંત્રાલયે દાવો કર્યો છે કે રશિયાએ ઉત્તર કોરિયાને ૫૦ લાખ તોપખાના મોકલ્યા છે. જોકે, પ્યોંગયાંગ અને મોસ્કો બંનેએ શસ્ત્રો ટ્રાન્સફરના આરોપોને સ્પષ્ટપણે નકારી કાઢ્યા છે. માર્ચ ૨૦૦૦માં રાષ્ટ્રપતિ બન્યાના થોડા મહિના પછી જ પુતિને જુલાઈ ૨૦૦૦માં પ્યોંગયાંગની મુલાકાત લીધી હતી. તેઓ કિમના પિતા અને ઉત્તર કોરિયાના શાસક કિમ જોંગ ઈલને મળ્યા હતા.
૨૦૧૧માં ઉત્તર કોરિયામાં સત્તા સંભાળનાર કિમ જોંગ ઉને પોતાના પિતાની જેમ રશિયા અને ચીન સાથે વધુ સારા સંબંધો બનાવવાનો પ્રયાસ કર્યો છે. કિમ જોંગ ઉનની પુતિન સાથેની નિકટતાનો અંદાજ એ વાત પરથી લગાવી શકાય છે કે રશિયાએ ૨૦૧૨માં ઉત્તર કોરિયાના તમામ દેવા માફ કરી દીધા હતા. અહેવાલો અનુસાર, રશિયા યુક્રેન યુદ્ધની શરૂઆતથી જ અલગ પડી ગયું છે અને અમેરિકા વિરોધી દેશો સાથે સંબંધો સુધારવાની કોશિશ કરી રહ્યું છે. પુતિનની આ મુલાકાત પહેલા કિમ જોંગ ઉને રશિયાની મુલાકાત લીધી હતી.
સિઓલની ઇવા યુનિવસટીના પ્રોફેસર લીફ-એરિક ઇસ્લીએ જણાવ્યું હતું કે પુતિનની મુલાકાતને કિમ જોંગ ઉન માટે ‘વિજય’ તરીકે જોવામાં આવશે. પુતિનની આ મુલાકાત ઉત્તર કોરિયાની આંતરરાષ્ટ્રીય છબી વધુ મજબૂત કરશે. આ સાથે કિમ જોંગ ઉનની તેમના ઘરમાં સ્વીકૃતિ વધુ વધશે.