ટીમ ઈન્ડિયાના કેપ્ટન રોહિત શર્મા અને વિરાટ કોહલીએ વેસ્ટ ઈન્ડિઝના બાર્બાડોસમાં ટી ૨૦ વર્લ્ડ કપની ટ્રોફી હાથમાં લેતા જ ક્રિકેટના સૌથી ટૂંકા ફોર્મેટ ટી ૨૦ને અલવિદા કહી દીધું હતું. જો કે, ટેસ્ટ અને વનડે ટીમના કેપ્ટન રોહિત શર્મા અને વિરાટ કોહલી ટી ૨૦ ઇન્ટરનેશનલ ફોર્મેટમાં વાપસી કરી શકે છે.
રોહિત-કોહલીની નિવૃત્તિ પછી, ભારત અને શ્રીલંકા દ્વારા સંયુક્ત રીતે આયોજિત થનારા ટી ૨૦ વર્લ્ડ કપ ૨૦૨૬માં ટીમ ઈન્ડિયાના ખિતાબને બચાવવાની જવાબદારી યુવા ખેલાડીઓ પર છે. જો કે, યુવા ખેલાડીઓ સાથે ઝિમ્બાબ્વે પ્રવાસ પર ગયેલી ટીમ ઈન્ડિયાની શરૂઆત સારી રહી ન હતી, ઝિમ્બાબ્વે જેવી નબળી ટીમ સામે ટી ૨૦ શ્રેણીની પ્રથમ મેચ હારી ગઈ હતી.
આવી સ્થિતિમાં જો યુવા ખેલાડીઓથી સજેલી ટીમ ઈન્ડિયા ઝિમ્બાબ્વે, શ્રીલંકા જેવા દેશો સામે સીરીઝ હારી જાય છે તો રોહિત શર્મા અને વિરાટ કોહલી ઈંગ્લેન્ડ અને દક્ષિણ આફ્રિકા જેવી મોટી ટીમો સામે ટી૨૦ સીરીઝમાં વાપસી કરી શકે છે.
જો રોહિત શર્મા અને વિરાટ કોહલી ટી ૨૦ આંતરરાષ્ટ્રીય ફોર્મેટમાં પુનરાગમન કરે છે, તો તેઓ આ વર્ષે ૮ નવેમ્બરે ફરી એકવાર ટી ૨૦ રમતા જોવા મળી શકે છે. ભારતીય ટીમ ૮ નવેમ્બરથી ૧૫ નવેમ્બર સુધી દક્ષિણ આફ્રિકાના પ્રવાસે ચાર મેચની ટી૨૦ શ્રેણી રમવા જશે. આ પછી ટીમ ઈન્ડિયા ૨૨ જાન્યુઆરીથી ૨ ફેબ્રુઆરી સુધી ઘરઆંગણે ઈંગ્લેન્ડ વિરુદ્ધ પાંચ મેચની ટી ૨૦ શ્રેણી રમશે. તે ભારતમાં વર્ષ ૨૦૨૬માં યોજાનાર ટી ૨૦ વર્લ્ડ કપ સાથે તેની ટી ૨૦ કારકિર્દીની સમાપ્તિ કરી શકે છે. જો આમ થાય છે અને ટીમ ઈન્ડિયા ટી ૨૦ વર્લ્ડ કપ પર કબજો કરવામાં સફળ રહે છે, તો ભારતીય ક્રિકેટના ઈતિહાસમાં પહેલીવાર એવું બનશે કે ટીમ ઈન્ડિયા તેની કોઈપણ આઇસીસી ટ્રોફીનો બચાવ કરશે.
જો રોહિત શર્મા અને વિરાટ કોહલી ટી ૨૦માં પુનરાગમન કરે છે, તો તેમની પાસે ચારથી પાંચ આઇસીસી ટ્રોફી જીતવાની તક હશે. હાલમાં બંને ખેલાડીઓ ત્રણ આઇસીસી ટ્રોફી જીતી ચૂક્યા છે. આગામી બે વર્ષમાં વર્લ્ડ ટેસ્ટ ચેમ્પિયનશિપ, ચેમ્પિયન્સ ટ્રોફી અને ટી ૨૦ વર્લ્ડ કપ રમાશે. આવી સ્થિતિમાં, જો ટીમ ઈન્ડિયા શાનદાર પ્રદર્શન કરવાનું ચાલુ રાખે છે, તો બંને ખેલાડીઓ પાસે વધુમાં વધુ ૩ ટ્રોફી જીતવાની તક છે.