નવીદિલ્હી, રાષ્ટ્રીય રાજધાનીમાં ઘણા રહેવાસીઓ અને મુસાફરોએ શ્વાસ લેવામાં તકલીફની ફરિયાદ કરી હતી અને સરકાર અને સંબંધિત અધિકારીઓને વધતા વાયુ પ્રદૂષણને કાબૂમાં લેવા માટે શક્ય તેટલી વહેલી તકે પગલાં લેવા વિનંતી કરી હતી. બગડતી હવાની ગુણવત્તા અંગે ચિંતા વ્યક્ત કરતાં એક મુસાફરે કહ્યું, ’આ ઝેરી હવા અમને શ્વાસ લેવામાં તકલીફ ઊભી કરી રહી છે. સરકારે અમને થોડી રાહત આપવા માટે તાત્કાલિક પગલાં લેવા જોઈએ.
ભારતીય ઉષ્ણકટિબંધીય હવામાનશાસ્ત્ર સંસ્થાના જણાવ્યા અનુસાર, મંગળવારે દિલ્હીમાં મુખ્ય સપાટી પરનો પવન દક્ષિણ-પશ્ચિમ અને ઉત્તર-પૂર્વ દિશાઓ તરફથી ચારથી આઠ કિમી પ્રતિ કલાકની ઝડપે હતો. દિવસ દરમિયાન તડકો રહ્યો હતો અને રાત્રિના તાપમાનમાં આશરે ૧.૫ ડિગ્રી સેલ્સિયસનો વધારો થયો હતો. પવનની દિશા અને અનુકૂળ હવામાનમાં ફેરફાર હોવા છતાં, પ્રદૂષણમાં થોડો સુધારો નોંધાયો હતો. સોમવારે દિલ્હીનો એકયુઆઇ ૪૨૧ હતો જે મંગળવારે ઘટીને ૩૯૫ થયો હતો.
સેન્ટ્રલ પોલ્યુશન કંટ્રોલ બોર્ડના જણાવ્યા અનુસાર મંગળવારે સાંજે દિલ્હીમાં અડધાથી વધુ કેન્દ્રો પર પ્રદૂષણનું સ્તર ૪૦૦ને વટાવી ગયું હતું. બોર્ડ ૩૪ કેન્દ્રોમાંથી પ્રદૂષણ ડેટા એકત્રિત કરે છે. તેમાંથી આનંદ વિહારમાં સૌથી વધુ ૪૪૮ એકયુઆઇ નોંધાયો હતો.એકયુઆઇ ૪૦૦ શાદીપુર,એકયુઆઇઇદ્ભ પુરમ, પંજાબી બાગ, મથુરા રોડ,એરપોર્ટ, નેહરુ નગર, દ્વારકા સેક્ટર ૮, પતપરગંજ, ડૉ. કરણ સિંહ શૂટિંગ રેન્જ, જહાંગીરપુરી, રોહિણી, વિવેક વિહાર, નરેલા, ઓખલા, મુદંકા, આનંદ વિહારમાં કરતાં વધુ રહી હતી.
૧૦મી નવેમ્બરે દિલ્હીમાં હળવા ઝરમર વરસાદની શક્યતા છે. પ્રાદેશિક હવામાન કેન્દ્ર અનુસાર, ૧૩ નવેમ્બર સુધી સવારે ધુમ્મસ રહી શકે છે. તેમજ ૧૦ નવેમ્બરે હવામાનની દિશા બદલાવાને કારણે કેટલાક સ્થળોએ હળવા ઝરમર વરસાદ પડી શકે છે.