દાહોદ અનાજ મહાજન સાર્વજનિક એજ્યુકેશન સોસાયટી, દાહોદ સંચાલિત નવજીવન આર્ટ્સ એન્ડ કોમર્સ કોલેજ, દાહોદ ખાતે સાંસ્કૃતિક સમિતિ અને વિદ્યાર્થી સમિતિ દ્વારા રંગોલી, મહેંદી, ફોટોગ્રાફી તેમજ પોસ્ટર મેકિંગ જેવી સ્પર્ધાઓનું આયોજન કરવામાં આવ્યું હતું. જેમાં કોલેજમાં અભ્યાસ કરતા વિદ્યાર્થીઓએ બહોળી સંખ્યામાં ભાગ લીધો હતો. આ પ્રસંગે કોલેજના આચાર્ય ડો. બી.આર.બોદર ઉપસ્થિત રહી વિદ્યાર્થીઓને પ્રોત્સાહિત કર્યા હતા. તથા રંગોલી, મહેંદી, ફોટોગ્રાફી તેમજ પોસ્ટર મેકિંગ જેવી સ્પર્ધાઓમાં નિર્ણાયક તરીકે કોલેજના અધ્યાપકોએ સેવા આપી હતી. આ પ્રસંગે સાંસ્કૃતિક સમિતિના દરેક સભ્યો હાજર રહયા હતા.