- આ કાર્યક્રમમાં ભાગ લેનારા રાજકારણીઓ અને અમલદારો માટે મોટો ખતરો
નવીદિલ્હી, રામ મંદિરના ઉદ્ઘાટન કાર્યક્રમ પહેલા એક મોટા સમાચાર સામે આવ્યા છે. વાત જાણે એમ છે કે, અયોધ્યામાં ૨૨ જાન્યુઆરીએ યોજાનાર રામ મંદિરના ઉદ્ઘાટન કાર્યક્રમ આતંકવાદીઓના નિશાના પર છે. એજન્સીઓએ એલર્ટ જાહેર કરીને કહ્યું છે કે, આ કાર્યક્રમમાં ભાગ લેનારા રાજકારણીઓ અને અમલદારો માટે મોટો ખતરો તોળાઈ રહ્યો છે. અસામાજિક તત્વો વાતાવરણને બગાડવાનો પ્રયાસ કરી રહ્યા છે. અયોયામાં યોજાનાર રામજન્મભૂમિના અભિષેક સમારોહએ આતંકવાદી સંગઠનો અને પાકિસ્તાની ગુપ્તચર એજન્સી આઇએસઆઇની ઊંઘ હરામ કરી દીધી છે. ગુપ્તચર એજન્સીઓના દાવા મુજબ કટ્ટરવાદી સંગઠનો સતત એ વિચારને પ્રોત્સાહન આપી રહ્યા છે કે, કેન્દ્ર સરકાર ચોક્કસ વર્ગની વિરુદ્ધ જઈ રહી છે.
આ તરફ હવે જાસૂસી એજન્સીઓના એલર્ટ બાદ તમામ સુરક્ષા એજન્સીઓની એક બેઠક પણ યોજવામાં આવી છે. જેમાં આ ખતરાને પહોંચી વળવા માટે સમીક્ષા કરવા અને વ્યાપક વ્યવસ્થા કરવા સૂચના આપવામાં આવી છે. આ ઉપરાંત સુરક્ષા દળોને સમારંભ પહેલા સતર્ક રહેવા માટે કહેવામાં આવ્યું છે, જેથી આતંકવાદી સંગઠન અને તેની સાથે સંકળાયેલા તત્વો આસપાસના વિસ્તારોમાં ઘૂસણખોરી ન કરી શકે. સુરક્ષા દળોને આસપાસના વિસ્તારોમાં સતત તકેદારી રાખવા અને સર્ચ ઓપરેશન ચાલુ રાખવા સૂચના આપવામાં આવી છે.
અયોધ્યામાં રામ જન્મભૂમિ પ્રતિષ્ઠા સમારોહ શાંતિપૂર્ણ રીતે સંપન્ન થવાના ડરથી આતંકવાદી સંગઠનો અને તેમના સમર્થક અસામાજિક તત્વોએ ઉત્તર પ્રદેશ સહિત ભારતના કેટલાક સ્થળોએ અયોધ્યાને કોઈપણ રીતે બરબાદ કરવાના તમામ પ્રયાસો કરી રહ્યા છે કે, ૨૨ જાન્યુઆરી ૨૦૨૪ પહેલા વાતાવરણને ખલેલ પહોંચાડવું જોઈએ જેથી આંતરરાષ્ટ્રીય સમુદાય સમક્ષ મુદ્દો ઉઠાવી શકાય કે ભારતમાં કોઈ ચોક્કસ વર્ગ પર અત્યાચાર થઈ રહ્યો છે. પાકિસ્તાની ગુપ્તચર એજન્સી અને તેની સાથે સંકળાયેલા તત્વો મોટા રાજનેતાઓ અને નોકરિયાતોને તેમના સાગરિતો દ્વારા નિશાન બનાવી શકે છે.
આ તરફ અયોધ્યામાં ઉત્તર પ્રદેશ સરકારે અદ્યતન સુરક્ષા અને વ્યવસ્થાપન પગલાં સહિત એક વ્યાપક યોજના અમલમાં મૂકી છે. સતર્ક દેખરેખ સુનિશ્ચિત કરવા માટે સમગ્ર શહેરમાં ૧૫૦૦ સાર્વજનિક સીસીટીવી કેમેરા સાથે ઈન્ટીગ્રેટેડ ટ્રાફિક મેનેજમેન્ટ સિસ્ટમને સંકલિત કરવામાં આવી છે. નોંધનીય છે કે અયોધ્યાના યલો ઝોન ચહેરાની ઓળખ તકનીક સાથે ૧૦,૭૧૫ એઆઇ-આધારિત કેમેરાથી સજ્જ હશે જે આઇટીએમએસ સાથે એકીકૃત રીતે સંકલિત થશે અને અહીંથી તેનું નિરીક્ષણ કરવામાં આવશે. સેન્ટ્રલ કંટ્રોલ રૂમ પણ તૈયાર કરવામાં આવશે.
આ વ્યૂહાત્મક પગલાનો હેતુ મુખ્ય વિસ્તારોમાં એકંદર દેખરેખ અને સુરક્ષા વધારવાનો છે. ઇમરજન્સી રિસ્પોન્સ ક્ષમતાઓને વધારવા માટે, નેશનલ ડિઝાસ્ટર રિસ્પોન્સ ફોર્સ અને સ્ટેટ ડિઝાસ્ટર રિસ્પોન્સ ફોર્સની ટીમો તૈનાત કરવામાં આવી છે. એસડીઆરએફ ટીમો નિયમિત બોટ પેટ્રોલિંગ કરશે, કોઈપણ પ્રકારના નશા પર સખત પ્રતિબંધ મૂકશે અને ખલાસીઓ માટે લાઈફ જેકેટ્સ અને ફરજિયાત આઈડી કાર્ડ જેવા સલામતીનાં પગલાં પર ભાર મૂકશે
એ યાદ રહે કે અયોધ્યામાં ભગવાન રામના ભવ્ય મંદિરનું નિર્માણ ચાલી રહ્યું છે. આ સંદર્ભમાં અયોધ્યામાં સર્વાંગી વિકાસનું કામ ઝડપથી થઈ રહ્યું છે. ૨૨ જાન્યુઆરીએ રામલલાનો અભિષેક થશે. આ કાર્યક્રમમાં વડાપ્રધાન નરેન્દ્ર મોદી પોતે ભાગ લેશે. આ ઉપરાંત વિપક્ષી પાર્ટીઓના નેતાઓ અને સંતોને પણ આમંત્રણ આપવામાં આવ્યું છે. આ કાર્યક્રમમાં ભાગ લેવા માટે અનેક લોકો અયોધ્યા આવશે. પરંતુ કોંગ્રેસના નેતાઓ આ કાર્યક્રમમાં ભાગ લેશે નહીં. વાસ્તવમાં કોંગ્રેસના રાષ્ટ્રીય અધ્યક્ષ મલ્લિકાર્જુન ખડગે અને સોનિયા ગાંધીએ રામ લલ્લાના અભિષેકમાં હાજરી આપવાનો ઇન્કાર કરી દીધો છે. હવે આ મુદ્દે રાજકારણ તેજ બન્યું છે.દેશની વસ્તીનો મોટો હિસ્સો વડાપ્રધાન નરેન્દ્ર મોદીને ઉત્તર પ્રદેશના અયોધ્યામાં ભવ્ય રામ મંદિર બનાવવા પાછળ એક મહત્વપૂર્ણ પરિબળ માને છે, તેમ છતાં તેમની પાર્ટીના વરિષ્ઠ નેતાઓએ પીએમના પગલાની ટીકા કરી છે. (મંદિરના સંદર્ભમાં) પ્રશ્ર્નાર્થ ચિન્હ ઊભો થયો છે. ભારતીય જનતા પાર્ટીના નેતા સુબ્રમણ્યમ સ્વામીએ કહ્યું છે કે જ્યારે રામજન્મભૂમિ કેસ સુપ્રીમ કોર્ટમાં સમાપ્ત થવાના આરે હતો ત્યારે મોદીએ તેમાં વિલંબ કરવાનો પ્રયાસ કર્યો હતો. હકીક્તમાં, મંદિરના નિર્માણ માટે સુપ્રીમ કોર્ટ અને તત્કાલીન મુખ્ય ન્યાયાધીશ રંજન ગોગોઈ અને અન્ય ન્યાયાધીશોનો આભાર માનવો જોઈએ.