રમત-ગમત, યુવા અને સાંસ્કૃત્તિક પ્રવૃત્તિઓ વિભાગ, ગાંધીનગર દ્વારા પ્રેરિત, કમિશ્ર્નર, યુવક સેવા અને સાંસ્કૃતિક પ્રવૃતિઓની કચેરી, ગાંધીનગર દ્વારા આયોજીત તેમજ જીલ્લા યુવા અને સાંસ્કૃતિક પ્રવૃતિઓની કચેરી મહીસાગર દ્વારા સંચાલિત પ્રતિ વર્ષની જેમ ચાલુ વર્ષે 15 થી 35 વર્ષના યુવક યુવતીઓ માટે જીલ્લા કક્ષા જનરલ યુવક નેતૃત્વ તાલીમ શિબિરનું આયોજન હાથ ધરવામાં આવનાર છે.
જેમાં પ્રત્યેક જીલ્લાના યુવક યુવતીઓ માટે નિયત કરેલ સ્થળે યુવક યુવતીઓ માટે જીલ્લા કક્ષા યુવક નેતૃત્વ અને યોગસન તાલીમ શિબિર દરમ્યાન શિબિરાર્થીઓમાં યુવાનોમાં નેતાગીરીના ગુણો કેળવાય, તેમની પ્રતિભા વિકસાવવા, આસપાસ બનતા બનાવો વિશે જાગૃતતા કેળવાય, યુવાનો કલ્યાણકારી પ્રવૃતિઓનું ચાલકબળ બને, રાષ્ટ્રના વિકાસમાં મહત્વનું પ્રદાન કરે તે માટે યુવા સંસ્થાઓ સ્થાપવી, મજબુત કરવી વિકસાવવી અને તેનું લોકશાહી ઢબે સંચાલન કરવાની તાલીમ આપવાના હેતુથી પ્રતિ વર્ષ રાજ્યના દરેક જીલ્લામાં જીલ્લાકક્ષા યુવક નેતૃત્વ તાલીમ શિબિરનું આયોજન હાથ ધરવામાં આવે છે.
જીલ્લા માંથી કુલ 30 યુવક યુવતિઓની પસંદગી કરી, 7 દિવસ માટે નિવાસી શિબિરનું આયોજન કરવાનું હોય, તા.11/07/2024 સુધીમાં કચેરી સમય દરમિયાન કામકાજના ચાલુ દીવસોમાં સાદા કાગળમાં નામ, સરનામું, મોબાઈલ નંબર જીલ્લા યુવા અને સાંસ્કૃતિક પ્રવૃતિઓની કચેરી મહીસાગર જીલ્લા સેવા સદન રૂમ નં-212 બીજો માળ લુણાવાડા જી-મહીસાગર ખાતે જમાં કરવાના રહેશે. તા.11/07/2024 પછી આવનાર ફોર્મ સ્વીકારવામાં આવશે નહિ.