રાજકોટ : હવામાન વિભાગની આગાહી વચ્ચે રાજ્ય ભરમાં વરસાદ વરસ્યો છે. અને સત્તાવાર ચોમાસુ પ્રારંભ થઈ ગયુ છે. રાજકોટ શહેર અને જિલ્લાના ગ્રામ્ય વિસ્તારોમાં પણ નોંધપાત્ર વરસાદ વરસ્યો છે. જેના કારણે આજી ૨ ડેમમાં પાણીની આવક નોંધાઈ છે. રાડકોટના માધાપર ગામમાં આવેલા આજી ૨ ડેમમાં પાણીની આવક વધતા ડેમના ૪ દરવાજા ખોલાયા છે. ડેમના દરવાજા ૧.૫ ફૂટ ખોલવામાં આવ્યા છે.
બીજી તરફ પડધરી તાલુકાના ગામોને નદીના પટમાં અવર-જવર ન કરવા સૂચના અપાઈ હતી. તો હવામાન વિભાગ અનુસાર રાજ્યમાં સત્તાવાર ચોમાસુ પ્રારંભ થઈ ગયુ છે. જેના પગલે આજે વડોદરા,છોટાઉદેપુર વલસાડ અને ગીર સોમનાથમાં ભારે વરસાદ ખાબકવાની સંભાવના છે. તેમ જ હજી પણ આગામી કેટલાક દિવસ રાજ્યમાં ભારે વરસાદની સંભાવના છે.