રાજકોટ,રાજકોટના મવડી હેડ ક્વાર્ટરમાં હેડ કોન્સ્ટેબલે ૧૦મા માળેથી છલાંગ લગાવી આત્મહત્યા કરતાં ચકચાર મચી છે. પોલીસ આપઘાતનું કારણે શોધી રહી છે તેમજ અકસ્માતનો ગુનો નોંધી કાર્યવાહી હાથ ધરી છે.
રાજકોટમાં હેડ કોન્સ્ટેબલ તરીકે ફરજ બજાવતા ભાર્ગવ બોરીસાગરે બિલ્ડીંગના ૧૦મા માળેથી છલાંગ લગાવી આપઘાત કર્યો છે. ઉપરથી નીચે પટકાતાં સ્થાનિકો ભેગા થઈ ગયા હતા. તુરંત જ પોલીસને આ ઘટનાની જાણ કરવામાં આવી હતી. પોલીસ ઘટના સ્થાને પહોંચી તપાસ હાથ ધરી છે.
પ્રેમ પ્રકરણમાં આપઘાત કર્યાનું લોકોમાં ચર્ચાઈ રહ્યું છે. પોલીસ પૂછપરછમાં વધુ માહિતી મળે તેવી આશા દેખાઈ રહી છે. મૃતદેહને પોસ્ટમોર્ટમ અર્થે મોકલવામાં આવ્યો છે. ભાર્ગવ બોરિસાગરના પરિવારને તેમના મોત થયા અંગે જાણ કરી દેવામાં આવી છે.