વિપક્ષના નેતા રાહુલ ગાંધી આજે દિલ્હીના જીટીબી નગરમાં શેરી વિક્રેતાઓ અને રોજીંદા મજૂરોને મળ્યા હતા. જણાવવામાં આવી રહ્યું છે કે રાહુલ દિલ્હીના કિંગ્સવે કેમ્પમાં ગયા હતા. જ્યાં તેઓ કાર્યકરોને મળ્યા હતા.
રાહુલ ગાંધીએ કિંગ્સવે કેમ્પના લેબર ચોક ખાતે કાર્યકરો સાથે વાત કરી હતી. જેનો એક વીડિયો સોશિયલ મીડિયા પર વાયરલ થઈ રહ્યો છે. વીડિયોમાં ઘણા લોકો રાહુલની આસપાસ જમીન પર બેઠેલા જોવા મળે છે. રાહુલ કાર્યકરો વચ્ચે બેઠેલા જોવા મળે છે.
કોંગ્રેસના મહાસચિવ કેસી વેણુગોપાલે કહ્યું કે રાહુલ ગાંધી હાથરસ નાસભાગની ઘટનાના પીડિતોને મળવા જશે. કેસી વેણુગોપાલે કહ્યું, ’તે એક દુર્ભાગ્યપૂર્ણ ઘટના હતી. લોક્સભામાં વિપક્ષના નેતા રાહુલ ગાંધી હાથરસની મુલાકાત લેવાની યોજના બનાવી રહ્યા છે. તે ત્યાં જઈને અસરગ્રસ્ત લોકો સાથે વાત કરશે.
મંગળવારે હાથરસના સિકંદરરૌ વિસ્તારના ફૂલરાઈ મુગલગઢી ગામમાં નારાયણ સાકર હરિ મહારાજ ઉર્ફે ભોલે બાબાના સત્સંગ દરમિયાન નાસભાગમાં ૧૨૧ લોકોના મોત થયા હતા. જેમાંથી ૧૦૬ની ઓળખ યુપીના ૧૭ જિલ્લાના રહેવાસી તરીકે કરવામાં આવી છે, જ્યારે છ દેશના વિવિધ રાજ્યોના રહેવાસી છે. બાકીની ઓળખ કરવાના પ્રયાસો ચાલુ છે. રાજ્ય અને કેન્દ્ર સરકાર મળીને આ તમામને વળતર આપશે. આ અકસ્માતમાં ૩૮ લોકો ઘાયલ થયા છે, જેઓ ખતરાની બહાર છે. સીએમ યોગીએ બુધવારે હાથરસ જિલ્લા હોસ્પિટલમાં ઘાયલોની હાલત વિશે પૂછપરછ કરી હતી. પ્રત્યક્ષદર્શીઓએ ઘાયલો સાથે વાત કરી.