પુણે, પૂર્વ રાષ્ટ્રપતિ પ્રતિભા પાટીલને તાવ અને છાતીમાં ચેપની સારવાર માટે મહારાષ્ટ્રના પુણે શહેરની હોસ્પિટલમાં દાખલ કરવામાં આવ્યા છે. હાલ તેમની હાલત સ્થિર હોવાનું કહેવાય છે. ૮૯ વર્ષીય પૂર્વ રાષ્ટ્રપતિને બુધવારે ભારતી હોસ્પિટલમાં દાખલ કરવામાં આવ્યા હતા.
હોસ્પિટલના એક વરિષ્ઠ અધિકારીએ જણાવ્યું હતું કે, ભૂતપૂર્વ રાષ્ટ્રપતિ પ્રતિભા પાટીલને ગઈકાલે રાત્રે હોસ્પિટલમાં દાખલ કરવામાં આવ્યા હતા. તેમને તાવ અને છાતીમાં ઈન્ફેક્શનની ફરિયાદ હતી. તેઓ સ્વસ્થ છે અને તેમની સારવાર ચાલી રહી છે. તેઓ ડૉક્ટરોના કડક નિરીક્ષણ હેઠળ છે. તમને જણાવી દઈએ કે પ્રતિભા પાટિલ ભારતના પ્રથમ મહિલા રાષ્ટ્રપતિ હતા. તેણીએ ૨૦૦૭ થી ૨૦૧૨ સુધી સર્વોચ્ચ બંધારણીય પદ સંભાળ્યું હતું.