પુણે, મહારાષ્ટ્રના પુણેમાં રવિવારે મોડી રાત્રે વેનિટી વાનની બ્રેક ફેલ થઈ ગઈ હતી. ત્યારબાદ વાને લગભગ ૭ વાહનોને ટક્કર મારી હતી અને અંતે ટેમ્પો સાથે અથડાઈને થંભી ગઈ હતી. આ દરમિયાન બે લોકોના મોત થયા હતા અને અન્ય ૫ લોકો ઘાયલ થયા હતા.
પોલીસના જણાવ્યા અનુસાર, આ ઘટના પેલેસ ઓર્ચાર્ડ સોસાયટી, ઉંડ્રી રોડ, કોઢવા ખાતે બની હતી. મોડી રાત્રે ટાઈમ ટ્રાવેલ્સની બસ NRBM રોડ પર આવેલી જ્યોતિ હોટલ પાસેથી જઈ રહી હતી. આ દરમિયાન બ્રેક ફેલ થયા બાદ ડ્રાઈવરે જોર જોરથી બૂમો પાડવા લાગ્યો હતો અને લોકોને દૂર ખસી જવા કહી રહ્યો હતો.
કેટલાક લોકો દૂર ખસી ગયા, પરંતુ ભીડવાળા રસ્તા પર કેટલાક વાહનો તેની ઝપેટમાં આવી ગયા હતા. વાને બીએમડબ્લ્યુ,૩ કાર, એક રિક્ષા અને એક બાઇકને ટક્કર મારી હતી. આ પછી, તે ટેમ્પો સાથે અથડાઈ અને ૫૦૦ મીટર દુર જઈને ઉભી રહી ગઈ હતી.