મુંબઇ,અભિનેત્રી પૂજા હેગડે આ દિવસોમાં તેની આગામી ફિલ્મ ’ક્સિી કા ભાઈ ક્સિી કી જાન’ના પ્રમોશનમાં વ્યસ્ત છે.આ દરમિયાન, અભિનેત્રીએ તેના અને સલમાનના સંબંધોની અફવાઓ પર પોતાનું મૌન તોડ્યું હતું અને આવા અહેવાલોને રદિયો આપ્યો હતો. સલમાન અને પૂજાના સંબંધોના સમાચાર ત્યારે ચર્ચામાં આવ્યા જ્યારે ભાઈજાન પૂજાના ભાઈ રિષભ હેગડેના લગ્નમાં હાજરી આપવા મેંગ્લોર પહોંચ્યા.
એક ઈન્ટરવ્યુમાં જ્યારે પૂજાએ સલમાન સાથેના તેના સંબંધો પર સવાલ ઉઠાવ્યા ત્યારે તેણે કહ્યું, ’હું આ વિશે શું કહી શકું. હું મારા વિશે રોજ નવી નવી વાતો વાંચતી રહું છું. હું સિંગલ છું, મને એકલા રહેવું ગમે છે. હું અત્યારે મારી કારકિર્દી પર ધ્યાન કેન્દ્રિત કરી રહી છું. હું અલગ-અલગ શહેરોમાં ફરતી રહું છું, અત્યારે મારું લક્ષ્ય મારી કારકિર્દી છે. હું હવે બેસીને આ અફવાઓ પર ધ્યાન ના આપી શકું, હું તેના વિશે શું કરીશ?’
પૂજાએ કહ્યું, ’મને આ ફિલ્મ લોકડાઉન પહેલા ઓફર કરવામાં આવી હતી. ત્યારે આ ફિલ્મનું ટાઈટલ અલહ હતું. અગાઉ સાજિદ નડિયાદવાલા આ પ્રોજેક્ટનો એક ભાગ હતા, અને અમે અગાઉ ’હાઉસફુલ’માં સાથે કામ કર્યું હતું. ‘મોહેંજોદરો’ જોયા બાદ સલમાન પ્રભાવિત થયો હતો મારી ફિલ્મ ‘મોહેંજોદરો’ જોયા પછી સલમાને કહ્યું કે અમે ચોક્કસ સાથે એક પ્રોજેક્ટ કરીશું, તેથી આ ફિલ્મ મને ખૂબ જ સારી લાગી કારણ કે ફિલ્મમાં મારું પાત્ર તેલુગુ છોકરીનું છે. તે મારા માટે સારું હતું કારણ કે મેં તેલુગુ ફિલ્મોમાં ઘણું કામ કર્યું છે. એટલા માટે પાત્ર મને અનુકૂળ છે. આ સારી વાત છે કે મને સલમાન ખાનની ફિલ્મમાં આવો ખાસ રોલ કરવાનો મોકો મળ્યો.
ઈદના અવસર પર ભાઈજાનની ફિલ્મ ’ક્સિી કા ભાઈ ક્સિી કી જાન’ બોક્સ ઓફિસ પર ધૂમ મચાવવા માટે તૈયાર છે. તાજેતરમાં જ નિર્માતાઓએ ફિલ્મનું ટ્રેલર રિલીઝ કર્યું હતું, જેને ચાહકો તરફથી મિશ્ર પ્રતિસાદ મળ્યો હતો.
સલમાન અને પૂજા ઉપરાંત, ફિલ્મમાં દગ્ગુબતી વેંકટેશ, જગપતિ બાબુ, શેહનાજ કૌર ગિલ, પલક તિવારી, વિજેન્દર સિંઘ, રાઘવ જુયાલ, જસ્સી ગિલ, ભૂમિકા ચાવલા અને સિદ્ધાર્થ નિગમ મુખ્ય ભૂમિકામાં છે.