પેશાવર,પાકિસ્તાનનું પ્રતિબંધિત આતંકવાદી સંગઠન જૈશ-એ-મોહમ્મદ ગયા વર્ષે ફાયનાન્સિયલ એક્શન ટાસ્ક ફોર્સ તરફથી રાહત મળ્યા બાદ ફરી સક્રિય થયું છે. જૈશ માત્ર પેશાવરમાં દાન એકત્ર કરી રહ્યું નથી પરંતુ તે પંજાબ ગુલામ જમ્મુ-કાશ્મીર અને અન્ય વિસ્તારોમાં પણ જોવા મળી રહ્યું છે. તહરીક-એ-તાલિબાન પાકિસ્તાન દ્વારા તેના સુરક્ષા દળો પરના હુમલાઓથી પરેશાન, પાકિસ્તાન આતંકવાદી સંગઠનોને આશ્રય અને પોષણ આપવાથી રોકી રહ્યું નથી.
યુએન પ્રતિબંધિત આતંકવાદી સંગઠન જૈશ-એ-મોહમ્મદ પેશાવર શહેરમાં ખુલ્લેઆમ દાન એકત્ર કરી રહ્યું છે. યુનાઈટેડ કાશ્મીર પીપલ્સ નેશનલ પાર્ટીના નિર્વાસિત નેતા અને સ્થાપક શૌક્ત અલી કાશ્મીરીએ એક ટ્વીટમાં કહ્યું, પ્રતિબંધિત આતંકવાદી સંગઠન જૈશ-એ-મોહમ્મદ પેશાવરમાં ખુલ્લેઆમ દાન એકત્ર કરી રહ્યું છે. જેના કારણે દેશમાં ફરી આ આતંકવાદી સંગઠનનું માથું ઉંચકવાની આશંકા છે. તે ઘણા આતંકવાદી હુમલાઓ માટે જવાબદાર છે.
ખાસ વાત એ છે કે જૈશને પાકિસ્તાની સુરક્ષાકર્મીઓનું ખુલ્લું સમર્થન મળી રહ્યું છે. ઑક્ટોબર ૨૦૨૨ માં, વૈશ્ર્વિક આતંકવાદી-ફાઇનાન્સિંગ વોચડોગ હ્લછ્હ્લ એ તેની ગ્રે લિસ્ટમાંથી પાકિસ્તાનને દૂર કરવાની જાહેરાત કરી. ટ્વીટર યુઝર આસિફ આફ્રિદીએ જણાવ્યું કે આતંકવાદી સંગઠનના સભ્યો ઈદની નમાજ દરમિયાન પેશાવરમાં ખુલ્લેઆમ દાન એકત્રિત કરતા જોવા મળ્યા હતા. સુરક્ષાકર્મીઓની સામે આ કામ કરવામાં આવી રહ્યું હતું. જ્યારે ટ્વિટર યુઝર એહસાનુલ્લા ખાન જાદૂને નિરાશા વ્યક્ત કરતા કહ્યું કે પાકિસ્તાનમાં આ પ્રકારનું ફંડ એકઠું કરવું સામાન્ય છે.