- મુખ્યમંત્રી યોગી આદિત્યનાથે ગોરખપુરમાં મતદાન કર્યું,કેન્દ્રીય મંત્રી રાજનાથ સિંહે પણ મતદાન કર્યું
લખનૌ,આગામી વર્ષની લોક્સભા ચૂંટણી પહેલા, શહેરી સંસ્થાઓની ચૂંટણીનો પ્રથમ તબક્કાની ૩૭ જિલ્લાઓમા નવ મંડળોમાં આજે સવારે કડક સુરક્ષા બંદોસ્ત વચ્ચે મતદાન થયું હતું જે શરૂઆતમાં ધીમું રહ્યું હતું જો કે બપોર બાદ મતદાનમાં વેગ આવ્યો હતો. રાજ્યના ચૂંટણી કમિશનર મનોજ કુમારે જણાવ્યું હતું કે પ્રથમ તબક્કાનું મતદાન સવારે ૭ વાગ્યે શરૂ થયું હતું અને બપોરે ૧ વાગ્યા સુધી સરેરાશ ૨૪ ટકા લોકોએ તેમના મતાધિકારનો ઉપયોગ કર્યો હતો. ચૂંટણી પંચ દ્વારા જાહેર કરવામાં આવેલા આંકડા મુજબ, બપોરે ૧ વાગ્યા સુધી શામલી જિલ્લામાં ૪૧.૦૮ ટકા, શ્રાવસ્તીમાં ૪૦.૨૮ ટકા, વારાણસીમાં ૨૪.૧૫ ટકા અને પ્રયાગરાજમાં ૧૭.૨૭ ટકા મતદાન થયું હતું.
આ ચુંટણીઓમાં કેન્દ્રીય સંરક્ષણ પ્રધાન રાજનાથ સિંહ, ઉત્તર પ્રદેશના મુખ્ય પ્રધાન યોગી આદિત્યનાથ, નાયબ મુખ્ય પ્રધાન બ્રજેશ પાઠક અને બહુજન સમાજ પાર્ટીના પ્રમુખ માયાવતી સહિતના અગ્રણી વ્યક્તિઓએ મતદાન કર્યું હતું રાજનાથ, માયાવતી અને પાઠકે લખનૌમાં મતદાન કર્યું જ્યારે મુખ્યમંત્રી યોગીએ ગોરખપુરમાં મતદાન કર્યું. મુખ્ય પ્રધાને તેમના સત્તાવાર હેન્ડલ પરથી ટ્વિટમાં પોતાનો મત આપ્યા પછી તેમની તસવીરને ટેગ કરી. તેમણે ટ્વીટમાં કહ્યું, આજે મેં નગરપાલિકા ચૂંટણી-૨૦૨૩ માટે ગોરખપુરમાં મારા મતાધિકારનો ઉપયોગ કર્યો. મતદાન એ આપણો અધિકાર અને મુખ્ય ફરજ છે. તમારે તમારી મ્યુનિસિપલ કોર્પોરેશનને વધુ સશક્ત બનાવવા માટે મતદાન પણ કરવું જોઈએ. ભારત માતા કી જય! મત આપ્યા બાદ પત્રકારો સાથે વાત કરતા મુખ્યમંત્રીએ જણાવ્યું હતું કે, આ ભગવાનની કૃપા છે કે હવામાન એટલું આહલાદક છે. લોકોએ પણ શહેરી સરકારને સારી રીતે પસંદ કરવી જોઈએ, મતદારો તેમના મતાધિકારનો ઉપયોગ કરી શકે, આ માટે હું ભગવાનનો આભાર માનું છું. તે એક વિશેષ ઉપકાર છે. રાજ્ય ચૂંટણી પંચે રાજ્યમાં ચૂંટણીના સુચારુ સંચાલન માટે તમામ પ્રકારની વ્યવસ્થા કરી છે. બહુજન સમાજ પાર્ટીના પ્રમુખ માયાવતીએ લખનૌમાં પોતાનો મત આપ્યો. તેમણે પત્રકારોને કહ્યું, અમારી પાર્ટી આ ચૂંટણી પોતાના દમ પર અને સંપૂર્ણ તૈયારી સાથે લડી રહી છે. અમને વિશ્ર્વાસ છે કે અમારી પાર્ટીને સારું પરિણામ મળશે.
રક્ષા મંત્રી રાજનાથ સિંહે આજે લખનૌમાં મતદાન કર્યું છે. આ સાથે તેમણે લોકોને યુપી નાગરિક ચૂંટણીમાં વોટ આપવા માટે પણ અપીલ કરી છે.આ પહેલા બહુજન સમાજ પાર્ટીના વડા માયાવતીએ પણ લખનૌમાં પોતાનો મત આપ્યો હતો. મત આપ્યા બાદ તેમણે કહ્યું કે મને ખાતરી છે કે અમારી પાર્ટીને સારો પ્રતિસાદ મળશે. નગરપાલિકાની ચૂંટણીમાં તમને સારા પરિણામો મળશે. તેમણે મતદારોને મતદાન કરવા અનુરોધ કર્યો હતો.
રાજ્ય સરકારના આબકારી રાજ્ય મંત્રી નીતિન અગ્રવાલે હરદોઈ નગરની એસબીબી ઇન્ટર કોલેજમાં તેમની પત્ની સાથે પોતાનો મત આપ્યો. મીડિયાના સવાલોના જવાબ આપતા તેમણે સપા પ્રમુખ અખિલેશ યાદવ પર પ્રહારો કર્યા હતા. નીતિન અગ્રવાલે કહ્યું કે જનતા સપાના ગુંડારાજને ભૂલી નથી. સમાજવાદી પાર્ટીની બોડીની ચૂંટણી ફરી એકવાર સ્પષ્ટ થશે. તેમણે કહ્યું કે ઉત્તર પ્રદેશના લોકો પીએમ મોદી અને યોગીની સાથે ઉભા છે. નગરપાલિકાની ચૂંટણીમાં ભાજપ તમામ બેઠકો જીતશે.