મુંબઇ, ઈન્ડિયન પ્રીમિયર લીગની ૧૭મી સિઝન એટલે કે આઇપીએલ ૨૦૨૪ થોડા દિવસોમાં શરૂ થવા જઈ રહી છે. દેશમાં યોજાનારી લોક્સભાની ચૂંટણીને કારણે આઇપીએલ ૨૦૨૪ની માત્ર ૨૧ મેચોના જ શેડ્યૂલની જાહેરાત કરવામાં આવી છે.આઇપીએલ ૨૦૨૪ના પ્રથમ તબક્કામાં દિલ્હીમાં કોઈ મેચ રમાશે નહીં. દિલ્હી કેપિટલ્સ ટીમ તેની હોમ મેચ વિશાખાપટ્ટનમમાં રમશે.
આઇપીએલ ૨૦૨૪ની શરૂઆત ૨૨ માર્ચે ચેન્નાઈ સુપર કિંગ્સ અને રોયલ ચેલેન્જર્સ બેંગ્લોર વચ્ચેની મેચથી થશે. અત્યારે માત્ર આઇપીએલ ૨૦૨૪ની પ્રથમ ૨૧ મેચોના શેડ્યૂલની જાહેરાત કરવામાં આવી છે. ટુર્નામેન્ટની બાકીની મેચોનું શેડ્યૂલ ૨૦૨૪ની લોક્સભા ચૂંટણીની મતદાન તારીખો પછી જ જાહેર કરવામાં આવશે.
બીસીસીઆઇએ ૭ એપ્રિલ સુધી રમાનારી મેચોના શેડ્યૂલની જાહેરાત કરી છે. પ્રથમ ૨૧ મેચમાં ૪ ડબલ હેડર હશે. આ સમયગાળા દરમિયાન દિલ્હીમાં કોઈ મેચ રમાશે નહીં. દિલ્હીની ટીમ તેની હોમ મેચ વિઝાગમાં રમશે.આઇપીએલ ૨૨૦૪માં ૭મી એપ્રિલે ડબલ હેડર જોવા મળશે. પ્રથમ મેચ મુંબઈ ઈન્ડિયન્સ અને દિલ્હી કેપિટલ્સ વચ્ચે બપોરે ૩.૩૦ વાગ્યાથી રમાશે. ત્યારબાદ બીજી મેચ લખનૌ સુપર જાયન્ટ્સ અને ગુજરાત ટાઇટન્સ વચ્ચે સાંજે ૭.૩૦ વાગ્યાથી રમાશે.
આઇપીએલ ૨૦૨૪ની મેચો મોહાલી, ચેન્નાઈ, બેંગ્લોર, લખનૌ, કોલકાતા, જયપુર, અમદાવાદ, વિઝાગ, હૈદરાબાદ અને મુંબઈમાં રમાશે. જો કે, લખનૌમાં માત્ર બે મેચોનું આયોજન કરવામાં આવી રહ્યું છે. ૨૨ માર્ચે ચેન્નાઈની ટીમ તેના હોમ ગ્રાઉન્ડ પર ઇઝ્રમ્ સામે ટકરાશે.
નોંધનીય છે કે ચેન્નાઈ સુપર કિંગ્સે છેલ્લી સિઝન એટલે કે આઇપીએલ ૨૦૨૩નો ખિતાબ જીત્યો હતો. એમએસ ધોનીની કપ્તાની હેઠળ રમતા, ચેન્નાઈએ ડકવર્થ-લુઈસ નિયમ હેઠળ ફાઇનલમાં હાદક પંડ્યાની આગેવાની હેઠળની ગુજરાત ટાઇટન્સને ૫ વિકેટથી હરાવ્યું હતું. ચેન્નાઈ ગુજરાતને હરાવીને પાંચમી વખત આઈપીએલ ચેમ્પિયન બની.