મુંબઇ,\ બોલિવૂડને વધુ એક મોટો ફટકો પડ્યો છે, ઇન્ડસ્ટ્રીના પ્રખ્યાત અભિનેતા મંગલ ઢિલ્લોનનું નિધન થયું છે. તેઓ કેન્સરની બીમારી સામે લડી રહ્યા હતા. મંગલ ઢિલ્લોન પંજાબી સિનેમાની જાણીતી હસ્તી હતા. ફિલ્મો સિવાય તેમને ટીવી પર પણ લાંબા સમય સુધી રાજ કર્યું. અભિનેતાના નિધનથી બોલિવૂડમાં શોકની લહેર છે. સોશિયલ મીડિયા પર અભિનેતા સાથે કામ કરી ચૂકેલા કલાકારો આ સમાચાર પર શોક વ્યક્ત કરી રહ્યા છે.
અભિનેતા યશપાલ શર્માએ સોશિયલ મીડિયા દ્વારા મંગલ ઢિલ્લોન ના મૃત્યુની માહિતી આપી છે. તેણે ફેસબુક પર એક પોસ્ટ શેર કરી અને અભિનેતાની આત્માની શાંતિ માટે પ્રાર્થના કરી. રિપોર્ટ્સ અનુસાર, મંગલ ઢિલ્લોન લાંબા સમયથી કેન્સરથી પીડિત હતા. પંજાબના લુધિયાણાની હોસ્પિટલમાં તેની સારવાર ચાલી રહી હતી. તેમની તબિયત બગડતાં ૧૧ જૂને તેમનું અવસાન થયું હતું. પહેલા તેમણે ફિલ્મ ‘અદાલત’માં કામ કર્યું. આ પછી વર્ષ ૧૯૮૮માં મંગલ ઢિલ્લોન પીઢ અભિનેત્રી રેખાની ફિલ્મ ‘ખૂન ભરી માંગ’થી એન્ટ્રી કરી. આમાં તે કેમિયો રોલમાં જોવા મળ્યો હતો.
મંગલ ઢિલ્લોન પંજાબી સિનેમાને બોલિવૂડમાં લઈ જવામાં મદદ કરી. પ્રતિભાના આધારે તે પ્રાદેશિક સિનેમાથી લઈને મુખ્ય પ્રવાહના સિનેમામાં કામ મેળવવામાં સફળ રહ્યો. અભિનય સિવાય તેમણે ઘણી ફિલ્મોના દિગ્દર્શનમાં પણ હાથ અજમાવ્યો. પંજાબી પરિવારમાં જન્મેલા ઢિલ્લોન તે દિવસોમાં સુશિક્ષિત કલાકાર પણ હતા. તેણે ગ્રેજ્યુએશન સુધીનો અભ્યાસ કર્યો હતો.
મંગલ ઢિલ્લોન ની કરિયરની વાત કરીએ તો હિન્દી-પંજાબી સિનેમા સિવાય તેમણે ટીવી પર પણ કામ કર્યું હતું. તેઓ માત્ર નેગેટિવ રોલમાં જ જોવા મળ્યો હતો. તે ‘દયાવાન’, ‘દિલ તેરા આશિક’, ‘દલાલ’, ‘વિશ્ર્વાતમા’ જેવી ફિલ્મોમાં જોવા મળ્યા હતા. આ સિવાય તેમણે ઘણા હિટ ટીવી શોમાં પણ કામ કર્યું હતું. તે છેલ્લે ૨૦૧૭માં રિલીઝ થયેલી ફિલ્મ ‘તુફાન સિંહ’માં મોટા પડદા પર જોવા મળ્યા હતા.