- એક સારા વ્યક્તિના મોતનો મલાજો જળવાય તે મહત્ત્વનું છે.
નવીદિલ્હી,
લોકપ્રિય ટીવી શો અને ફિલ્મ ’પાવર રેન્જર્સ’ના મુખ્ય પાત્રોમાં સ્થાન ધરાવતા અમેરિકન અભિનેતા જેસન ડેવિડ ફ્રેક્ધનું નિધન થયું છે. સૂત્રોના જણાવ્યા પ્રમાણએ જેસન ડેવિડ ફ્રેક્ધ, જેઓ ટોમી ઓલિવર અથવા ગ્રીન રેન્જર તરીકે જાણીતા હતા, તેમનું ૪૯ વર્ષની વયે અવસાન થયું છે. ફ્રેક્ધના મેનેજર જસ્ટીન હંટે જણાવ્યું હતું કે, ફ્રેક્ધનું નિધન થયું છે. તેમણે મૃત્યુનું કારણ અને ફ્રેક્ધ ક્યારે મૃત્યુ પામ્યા તે અંગે જાણકારી આપી નહોતી. તેમણે કહ્યું આ કપરાકાળમાં તેના પરિવારની ગોપનીયતા જળવાય અને એક સારા વ્યક્તિના મોતનો મલાજો જળવાય તે મહત્ત્વનું છે. અમે એક અદ્ભુત વ્યક્તિ ગુમાવ્યો છે.
બીજી તરફ માઇટી મોફન પાવર રેન્જર્સમાં ફ્રેક્ધ સાથે બ્લેક પાવર રેન્જરની સહ-અભિનયની ભૂમિકા ભજવનાર વોલ્ટર એમેન્યુઅલ જોન્સે ઇસ્ટાગ્રામ ઉપર પોસ્ટ કરીને આઘાત વ્યક્ત કરતા જણાવ્યું કે, હું વિશ્ર્વાસ કરી શક્તો નથી. અમારા ખાસ પરિવારના અન્ય સભ્યને ગુમાવવાથી મારું હૃદય દુ:ખી છે. ઉલ્લેખનીય છે કે, યલો પાવર રેન્જરની ભૂમિકા ભજવનાર ત્રાંગનું ૨૭ વર્ષની વયે વર્ષ ૨૦૦૧માં કાર અકસ્માતમાં અવસાન થયું હતું.
૧૯૯૩માં માઇટી મોફન પાવર રેન્જર્સે ફોક્સ પર ડેબ્યૂ કર્યું હતું, જેમાં પાંચ યુવકો પૃથ્વીને વિવિધ મુશ્કેલીઓથી બચાવતા હતા. જોકે, પ્રથમ સીઝનની શરૂઆતમાં ફ્રેક્ધના ટોમી ઓલિવરને સૌપ્રથમ વિલન તરીકે બતાવાયો હતો, જે રીટા રેપલ્સા દ્વારા બ્રેઈનવોશ કરવામાં આવ્યો હતો. પરંતુ તરત જ તેને ગ્રીન રેન્જર તરીકે જૂથમાં સામેલ કરવામાં આવ્યો હતો અને તે શોના સૌથી લોકપ્રિય પાત્રોમાંનો એક બન્યો. સ્પિનઓફ ટીવી સિરીઝમાં ફ્રેક્ધનો ટોમી ઓલિવર અન્ય રેન્જર્સ તરીકે પાછો ફર્યો, તેમજ રેડ ઝીઓ રેન્જર, રેડ ટર્બો રેન્જર અને બ્લેક ડિનો રેન્જરનો સમાવેશ થાય છે. તેણે માઇટી મોફન પાવર રેન્જર્સ: ધ મૂવી અને ટર્બો: એ પાવર રેન્જર્સ મૂવીમાં પણ તેની ભૂમિકા ભજવી હતી અને ૨૦૧૭ રીબૂટ પાવર રેન્જર્સમાં તેણે કેમિયો કર્યો હતો. માર્શલ આર્ટના પ્રેક્ટિશનર ફ્રેક્ધ ૨૦૦૯ અને ૨૦૧૦માં ઘણી મિક્સ માર્શલ આર્ટ સ્પર્ધાઓમાં લડ્યા હતા.