પાકિસ્તાનના લાહોરમાં, એક મુસ્લિમ પરિવારે કચરો એકઠો કરવામાં વિલંબ કરવા બદલ ખ્રિસ્તી સેનિટેશન વર્કર યાસિર મસીહ (૩૫)ને નિર્દયતાથી માર્યો અને તેને સખત ગરમીમાં કલાકો સુધી સાંકળમાં બાંધીને રાખ્યો. યાસિર મસીહના સસરા હુસૈન મસીહએ જણાવ્યું કે, તેમણે લાહોરના ગુર્જરપુરા વિસ્તારમાં સફાઈ કર્મચારીને રસ્તા પર ખુરશી સાથે બાંધેલી હાલતમાં જોયો.
હુસૈન મસીહે જણાવ્યું હતું કે યાસિર પર મુહમ્મદ ખાદિમ હુસૈન, તેના પુત્ર અને અન્ય ત્રણ લોકોએ હુમલો કર્યો હતો કારણ કે તેણે કચરો ભેગો કરવાની અને તેના દરવાજો સાફ કરવાની તેમની માંગ તાત્કાલિક પૂર્ણ કરી ન હતી. યાસિરે રસ્તાઓની સફાઈની તેની સત્તાવાર ફરજ પૂરી કર્યા પછી વિનંતી પૂરી કરવાનું વચન આપ્યું હતું. જો કે, તેના ઘરે પહોંચ્યા પછી, તેને ટેરેસ સાફ કરવાની સૂચના આપવામાં આવી હતી, જ્યાં તેને પછીથી લોખંડના સળિયા વડે માર મારવામાં આવ્યો હતો, મુક્કા માર્યા હતા અને સાંકળોથી બાંધ્યા પહેલા લાત મારી હતી.
ક્રિશ્ર્ચિયનના સસરાએ કહ્યું કે યાસિર મસીહની પ્રાથમિક જવાબદારી શેરીઓ સાફ કરવાની હતી, પરંતુ તેણે હંમેશા મુસ્લિમ પરિવારની વિનંતીઓ સ્વીકારી. યાસિર, ખુરશી સાથે બંધાયેલો હોવા છતાં, પોતાને શેરીમાં ખેંચીને ભાગવામાં સફળ રહ્યો, જ્યાં પસાર થતા લોકોએ તેના પરિવારને જાણ કરી. યાસિર સવારે કામ પર જવા નીકળ્યા બાદ આ ઘટના બની હતી. યાસિર મસીહના પરિવાર અને મિત્રોએ લાહોર પ્રેસ ક્લબમાં ન્યાયની માંગ સાથે વિરોધ પ્રદર્શન કર્યું. પોલીસે મલિક હુસૈન અને અન્ય બેની ધરપકડ કરી હતી, જોકે તેના પુત્રો હજુ ફરાર છે.