મુંબઇ, એનસીપી એસસીપીના વડા શરદ પવારે જણાવ્યું છે કે જ્યારે હું સીએમ હતો ત્યારે હું મદદ કરતો હતો, એ જ મોદી આજે મારા પર ટિપ્પણી કરી રહ્યા છે… પવારે પીએમ પર પ્રહારો કર્યા, કહ્યું- તેઓ સરમુખત્યારશાહી ચલાવી રહ્યા છે.
શરદ પવારે કહ્યું કે આજે જો કોઈ પીએમ વિરુદ્ધ ટિપ્પણી કરે છે તો તેની સામે કાર્યવાહી કરવામાં આવે છે. જ્યારે ઝારખંડના સીએમ પીએમ વિરુદ્ધ બોલ્યા તો તેમને જેલ મોકલી દેવાયા. પીએમ વિરુદ્ધ નિવેદન આપનાર અરવિંદ કેજરીવાલને પણ જેલમાં મોકલી દેવામાં આવ્યા છે. આ લોકશાહી નથી, આ સરમુખત્યારશાહી છે.
એનસીપી એસસીપીના વડા શરદ પવારે મહારાષ્ટ્રના બારામતીમાં એક રેલીને સંબોધી હતી. જે દરમિયાન પવારે પીએમ મોદી પર નિશાન સાયું હતું. પવારે કહ્યું કે જ્યારે હું કેન્દ્રીય કૃષિ મંત્રી હતો ત્યારે મેં ગુજરાતના તત્કાલિન મુખ્યમંત્રી નરેન્દ્ર મોદીને કોઈપણ પક્ષપાત વિના મદદ કરી હતી, પરંતુ આજે તે જ વ્યક્તિ મારી વિરુદ્ધ અંગત ટિપ્પણી કરી રહ્યો છે.
મહારાષ્ટ્રના પૂર્વ સીએમ શરદ પવારે કહ્યું કે આજે જો કોઈ પીએમ વિરુદ્ધ ટિપ્પણી કરે છે તો તેની સામે કાર્યવાહી કરવામાં આવે છે. ઉપરાંત, ઝારખંડના સીએમ હેમંત સોરેન અને દિલ્હીના મુખ્યમંત્રી અરવિંદ કેજરીવાલની ધરપકડ પર પવારે કહ્યું કે જ્યારે ઝારખંડના સીએમ પીએમ વિરુદ્ધ બોલ્યા ત્યારે તેમને જેલમાં મોકલવામાં આવ્યા હતા. પીએમ વિરુદ્ધ નિવેદન આપનાર અરવિંદ કેજરીવાલને પણ જેલમાં મોકલી દેવામાં આવ્યા છે. આ લોકશાહી નથી, આ સરમુખત્યારશાહી છે. પવારે એમ પણ કહ્યું હતું કે આપણે મોદીના હાથમાંથી સત્તા છોડવાની જરૂર છે. તેમણે કહ્યું કે આજે સત્તા મોદીના હાથમાં કેન્દ્રિય બની ગઈ છે, આપણે તેને તેમનાથી મુક્ત કરવાની જરૂર છે.
તમને જણાવી દઈએ કે, શરદ પવારની પુત્રી સુપ્રિયા સુલે લોક્સભા ચૂંટણી ૨૦૨૪માં બારામતી મતવિસ્તારથી ચૂંટણી લડી રહી છે, મહારાષ્ટ્રમાં ૭ મેના રોજ ત્રીજા તબક્કામાં બારામતી લોક્સભા ક્ષેત્રમાં મતદાન થશે. આ પહેલા પણ શરદ પવારે મણિપુરની મુલાકાત ન લેવા પર નરેન્દ્ર મોદી પર ટિપ્પણી કરી હતી.દાઉદમાં એક રેલીને સંબોધતા પવારે કહ્યું કે મણિપુરના લોકોએ સૌથી ખરાબ સંકટનો સામનો કર્યો છે, તેઓએ સૌથી ખરાબ હિંસા જોઈ છે, ખાસ કરીને મહિલાઓ વિરુદ્ધ. પવારે કહ્યું કે કેન્દ્ર અને રાજ્યએ ગુનેગારો સામે પગલાં લેવા જોઈએ પરંતુ સરકાર તેમની ફરજમાં નિષ્ફળ ગઈ છે.
પવારે કહ્યું હતું કે વડા પ્રધાન નરેન્દ્ર મોદી પાસે વિવિધ શહેરો અને દેશોની મુલાકાત લેવાનો સમય છે, પરંતુ તેમણે મણિપુરની સ્થિતિનો ઉલ્લેખ સુદ્ધાં કર્યો નથી અને તેથી, આપણે બધાએ મણિપુરના લોકો અને અન્યાય અને અપમાનનો સામનો કરી રહેલા લોકો પ્રત્યે સહાનુભૂતિ દર્શાવવી જોઈએ અને મજબૂત રીતે સાથે ઊભા રહેવું જોઈએ. . દેશમાં લોક્સભા ચૂંટણી ૨૦૨૪ની જાહેરાત થયા બાદ તમામ પક્ષોએ ચૂંટણી રેલીઓનું આયોજન શરૂ કરી દીધું છે. ૧૯ એપ્રિલે મતદાન શરૂ થશે અને ૪ જૂને મતગણતરી થશે.