ભારતીય મેઘના પંડિત બ્રિટનની સૌથી મોટી હેલ્થ સર્વિસની સીઇઓ બનશે.
લંડન,
પીએમ ૠષિ સુનક બાદ હવે બ્રિટનના સ્વાસ્થ્યની કમાન ભારતીયના હાથમાં રહેશે. ભારતીય મૂળના ડોક્ટર મેઘના પંડિતને યુકેની સૌથી મોટી શૈક્ષણિક ઓક્સફોર્ડ યુનિવસટી હોસ્પિટલ એનએચએસ ફાઉન્ડેશન ટ્રસ્ટના ઝ્રર્ઈં તરીકે નિયુક્ત કરવામાં આવ્યા છે. આ સાથે એક રેકોર્ડ પણ બન્યો છે. મેઘના પંડિત આ ટ્રસ્ટના વડા અને ભારતીય મૂળની પ્રથમ મહિલા હશે જે શેલ્ફર્ડ ગ્રુપમાં ટ્રસ્ટની સીઇઓ બનશે.
શેલ્ફર્ડ ગ્રુપ યુકેની સૌથી મોટી શિક્ષણ હોસ્પિટલોનું પ્રતિનિધિત્વ કરે છે. મેઘના ૧ માર્ચ ૨૦૨૩થી કાર્યભાર સંભાળશે. જાણો, કોણ છે મેઘના પંડિત, તેની અત્યાર સુધીની સફર કેવી રહી અને તેનું સ્થાન કેટલું શક્તિશાળી છે.ભારતમાં જન્મેલી મેઘના પંડિતે બોમ્બે યુનિવસટીમાંથી એમબીબીએસનો અભ્યાસ કર્યો છે. ઑક્સફર્ડ યુનિવસટીમાંથી ઑબ્સ્ટેટ્રિક્સ અને ગાયનેકોલોજીનો અભ્યાસ કરનાર મેઘના અમેરિકાની મિશિગન યુનિવસટીમાં લેક્ચરર રહી ચુકી છે. આ સિવાય, ૨૦૧૨ અને ૨૦૧૮ ની વચ્ચે, તે એનએચએસ ટ્રસ્ટમાં ચીફ મેડિકલ ઓફિસર અને કન્સલ્ટન્ટ ગાયનેકોલોજિસ્ટ અને મિલ્ટન કેન્સમાં ડિવિઝનલ ડિરેક્ટર હતા.
ડોક્ટરેટની સાથે તેમણે ઓક્સફોર્ડ બ્રુક્સ યુનિવસટીમાંથી એમબીએ કર્યું છે. આરોગ્ય પ્રણાલીને સુધારવા માટે ઈનોવેટિવ હેલ્થ ફોર ટુમોરો પ્રોગ્રામનો એક ભાગ છે. વોરવિક યુનિવસટી દ્વારા તેમને વરિષ્ઠ ફેલોશિપ એનાયત કરવામાં આવી હતી. આ ઉપરાંત તેઓ ઓક્સફોર્ડ યુનિવસટીની ગ્રીન હેમ્પટન કોલેજમાં એસોસિયેટ પ્રોફેસર પણ છે. મેઘના પંડિત કહે છે કે, મને આ તક મળી એ ગર્વની વાત છે. ઓક્સફર્ડ યુનિવસટી હોસ્પિટલનું નેતૃત્વ કરવું એ એક વિશેષાધિકાર છે.
ઓક્સફર્ડ યુનિવસટી હોસ્પિટલની સત્તાવાર વેબસાઇટ અનુસાર એનએચએસ સીઇઓની સૌથી મોટી જવાબદારી છે કે આ આરોગ્ય એજન્સી સાથે સંકળાયેલી તમામ સંસ્થાઓ લોકોને સ્વસ્થ રાખવા અને રાષ્ટ્રીય સ્વાસ્થ્ય નીતિનું પાલન કરવા માટે વધુ સારી રીતે કામ કરે. આ સાથે, લોકોને ગુણવત્તાયુક્ત આરોગ્ય સુવિધાઓ પૂરી પાડવાની અને ફાઇનાન્સ મેનેજમેન્ટને સંભાળવાની જવાબદારી પણ સીઇઓની છે. એનએચએસએ બ્રિટનની સૌથી મોટી આરોગ્ય એજન્સી છે, જે સમગ્ર દેશમાં લોકોના સ્વાસ્થ્ય માટે જવાબદાર છે. તે વિશ્ર્વની સૌથી મોટી, પસંદ કરેલી અને સૌથી મોટી નેટવર્ક હેલ્થ એજન્સી છે. તેના સીઈઓ બ્રિટનના સ્વાસ્થ્યની દિશા અને સ્થિતિ નક્કી કરે છે. લોકોના સ્વાસ્થ્યને અસર કરતા દરેક મોટા નિર્ણય એનએચએસના સીઇઓ દ્વારા લેવામાં આવે છે. ૧ માર્ચ ૨૦૨૩થી મેઘના આ એજન્સીનો હવાલો સંભાળશે.
ભારતમાં ઉછરેલી મેઘના પંડિતે બોમ્બે યુનિવસટીમાંથી એમબીબીએસ કર્યું છે અને તે લાંબા સમયથી યુકેની હેલ્થ સિસ્ટમ સાથે સંકળાયેલી છે. લગભગ ૬ વર્ષ સુધી બ્રિટનની સૌથી મોટી આરોગ્ય સેવા દ્ગૐજીમાં ચીફ મેડિકલ ઓફિસર તરીકે કામ કર્યું. તેણીના અનુભવને જોતા, એવી અપેક્ષા રાખવામાં આવે છે કે તે આરોગ્ય પ્રણાલીને વધુ સારી બનાવવા માટે કામ કરશે, જેનો સીધો ફાયદો સામાન્ય લોકોને થશે. મેઘના પંડિતની નિમણૂક વિશ્ર્વભરના ભારતીયો માટે મોટી વાત છે. ભારત માટે ગર્વની વાત છે કે મેઘના પંડિતનું નામ બ્રિટન સહિત વિશ્ર્વમાં મોટા હોદ્દા પર પહોંચનારા ભારતીયોના નામમાં સામેલ છે.