- વડાપ્રધાન મોદી તેમના સમકક્ષ લોરેન્સ વોંગને મળ્યા હતા.દ્વિપક્ષીય સંબંધોને મજબૂત કરવા પર ચર્ચા કરી.
વડાપ્રધાન નરેન્દ્ર મોદી સિંગાપોરની તેમની મુલાકાતના બીજા દિવસે આજે તેમના સમકક્ષ લોરેન્સ વોંગને મળ્યા હતા. આ દરમિયાન તેમણે ભારત અને સિંગાપોર વચ્ચેના દ્વિપક્ષીય સંબંધોને પ્રોત્સાહન આપવાની રીતો પર ચર્ચા કરી હતી. તમને જણાવી દઈએ કે પીએમ મોદી વોંગના આમંત્રણ પર અહીં બે દિવસની મુલાકાતે આવ્યા છે. વોંગ સાથે વાતચીત પહેલા મોદીનું સિંગાપોર સંસદ ભવનમાં ઔપચારિક સ્વાગત કરવામાં આવ્યું હતું. તેણે ત્યાં વિઝિટર બુક પર પણ સહી કરી. બંને નેતાઓ વચ્ચેની મુલાકાત વોંગ સિંગાપોરના વડા પ્રધાન બન્યા અને મોદીએ વડા પ્રધાન તરીકે તેમની ત્રીજી મુદતની શરૂઆત કરી તેના દિવસો પછી થઈ હતી. બંને નેતાઓ વચ્ચેની બેઠક બાદ સિંગાપોર અને ભારત હવે વ્યૂહાત્મક ભાગીદાર બની ગયા છે. વ્યૂહાત્મક રીતે ભારત માટે આ એક મોટી ઉપલબ્ધિ છે.
વડાપ્રધાન નરેન્દ્ર મોદીએ આજે તેમના સિંગાપોરના સમકક્ષ લોરેન્સ વોંગ સાથે એક ફળદાયી બેઠક યોજી હતી. આ સમયગાળા દરમિયાન, બંને દેશો વચ્ચેના દ્વિપક્ષીય સંબંધો વ્યાપક વ્યૂહાત્મક ભાગીદારીના સ્તરે પહોંચ્યા. પીએમ મોદીના છેલ્લા ૧૦ વર્ષના કાર્યકાળ દરમિયાન ભારતે એશિયાથી યુરોપ સુધી ઘણા નવા વ્યૂહાત્મક ભાગીદાર બનાવ્યા છે. ચીન અને પાકિસ્તાન જેવા દુશ્મનો માટે આ મોટો ફટકો છે. હવે સિંગાપોર પણ ભારતનું વ્યૂહાત્મક ભાગીદાર બની ગયું છે.
વ્યૂહાત્મક ભાગીદારી ઉપરાંત, અદ્યતન ઉત્પાદન, કનેક્ટિવિટી, ડિજિટાઇઝેશન, હેલ્થકેર અને મેડિસિન, કૌશલ્ય વિકાસ અને ટકાઉપણું જેવા ક્ષેત્રોમાં દ્વિપક્ષીય સંબંધોના વિવિધ પાસાઓની વ્યાપક સમીક્ષા કરવામાં આવી હતી. વડાપ્રધાન મોદી બાદમાં રાષ્ટ્રપતિ થર્મન ષણમુગરત્નમને પણ મળશે.પીએમ મોદી અને સિંગાપોરના વડાપ્રધાન લોરેન્સ વોંગ વચ્ચે પ્રતિનિધિ સ્તરની બેઠક યોજાઈ હતી. આ બેઠકમાં બંને દેશો વચ્ચે ચાર મહત્વના કરારો પર હસ્તાક્ષર કરવામાં આવ્યા હતા. આ કરારો બંને દેશો વચ્ચેના સંબંધોને વધુ મજબૂત બનાવશે. ભારત અને સિંગાપોર ડિજિટલ ટેક્નોલોજી, સેમિકન્ડક્ટર, સ્વાસ્થ્ય અને કૌશલ્ય વિકાસના ક્ષેત્રોમાં સહયોગ વધારવા સંમત થયા છે.
ભારત અને સિંગાપોર વચ્ચે થયેલા પ્રથમ કરાર હેઠળ ભારત સરકારના ઈલેક્ટ્રોનિક્સ અને માહિતી મંત્રાલય અને સિંગાપોરનું ડિજિટલ વિકાસ મંત્રાલય ડિજિટલ ટેક્નોલોજીના ક્ષેત્રમાં સહયોગ કરશે. આ સાથે, ડીપીઆઈ, સાયબર સુરક્ષા, ૫જી, સુપર કમ્પ્યુટિંગ, ક્વોન્ટમ કમ્પ્યુટિંગ અને આટફિશિયલ ઈન્ટેલિજન્સ જેવી ઉભરતી ટેક્નોલોજી જેવી ડિજિટલ ટેક્નોલોજીના ક્ષેત્રોમાં સહયોગ કરવા બંને દેશો વચ્ચે સહમતિ બની હતી.
બંને દેશો વચ્ચે કામદારોના કૌશલ્યને વધારવા અને ડિજિટલ ડોમેનમાં કામ કરતા લોકોના કૌશલ્યને સુધારવા માટે એક કરાર પર પણ હસ્તાક્ષર કરવામાં આવ્યા છે. આ ઉપરાંત બંને દેશો શિક્ષણ અને ઉદ્યોગ સાહસિક્તાના ક્ષેત્રમાં પણ સહયોગ વધારશે. ભારતના ઈલેક્ટ્રોનિક્સ અને ઈન્ફોર્મેશન ટેક્નોલોજી મંત્રાલયે પણ સેમિકન્ડક્ટર ઈકોસિસ્ટમને મજબૂત કરવા માટે સિંગાપોર સાથે કરાર પર હસ્તાક્ષર કર્યા છે. આ અંતર્ગત દેશમાં સેમિકન્ડક્ટર ક્લસ્ટર બનાવવામાં આવશે અને લોકોને સેમિકન્ડક્ટર ડિઝાઇન અને ઉત્પાદનની તાલીમ આપવામાં આવશે.
ભારત અને સિંગાપોર વચ્ચે આરોગ્ય ક્ષેત્રે એક કરાર પર હસ્તાક્ષર કરવામાં આવ્યા છે. આ અંતર્ગત બંને દેશો સ્વાસ્થ્ય ક્ષેત્રે સંશોધન અને નવીનતાને પ્રોત્સાહન આપશે. અમે સ્વાસ્થ્ય ક્ષેત્રે માનવ સંસાધન અને ફાર્માસ્યુટિકલ ક્ષેત્રોમાં પણ સહયોગ વધારશું. આ કરાર હેઠળ ભારતીય આરોગ્ય નિષ્ણાતો માટે સિંગાપોરમાં કામ કરવાની તકો વધવાની અપેક્ષા છે. વડાપ્રધાન મોદી બુધવારે સિંગાપોર પહોંચ્યા હતા અને આજે તેમની બે દિવસીય મુલાકાતનો છેલ્લો દિવસ છે.
મોદી સિંગાપોરના વરિષ્ઠ મંત્રી લી સિએન લૂંગ અને ’એમેરિટસ’ વરિષ્ઠ મંત્રી ગોહ ચોક ટોંગને પણ મળ્યા હતાં લીએ મોદીના સ્વાગત માટે લંચનું આયોજન કર્યું હતું વડાપ્રધાન સિંગાપોરના ઉદ્યોગપતિઓને પણ મળ્યા હતાં અને દેશના સેમિકન્ડક્ટર ક્ષેત્ર સાથે સંકળાયેલા લોકો સાથે વાતચીત કરી હતી મોદી અને વોંગ સેમિકન્ડક્ટર મેન્યુફેક્ચરિંગ સેન્ટરની પણ મુલાકાત લીઘી હતી
વિદેશ મંત્રાલયના પ્રવક્તા રણધીર જયસ્વાલે ’એકસ’ પર લખ્યું, વ્યાપક વ્યૂહાત્મક ભાગીદારી પર સંબંધોમાં એક નવો અયાય પહોંચ્યો છે. વડા પ્રધાન નરેન્દ્ર મોદી અને સિંગાપોરના વડા પ્રધાન લોરેન્સ વોંગે આજે સિંગાપોરમાં એક ફળદાયી બેઠક યોજી હતી, તેમણે જણાવ્યું હતું કે, “નેતાઓ વ્યાપક વ્યૂહાત્મક ભાગીદારી માટે સંબંધોને આગળ વધારવા માટે સંમત થયા હતા.