વડાપ્રધાન નરેન્દ્ર મોદી ૩ થી ૪ સપ્ટેમ્બર દરમિયાન બ્રુનેઈની મુલાકાતે છે. ભારતના વિદેશ મંત્રાલયના જણાવ્યા અનુસાર, આ મુલાકાતો બ્રુનેઈ સાથે દ્વિપક્ષીય, પ્રાદેશિક અને બહુપક્ષીય સહયોગને વધુ મજબૂત કરશે. વિદેશ મંત્રાલયના જણાવ્યા અનુસાર, પીએમ નરેન્દ્ર મોદી સુલતાન હાજી હસનલ બોલ્કિયાના આમંત્રણ પર બ્રુનેઈ જશે. પીએમ મોદીની બ્રુનેઈની આ પ્રથમ દ્વિપક્ષીય મુલાકાત હશે.
વિદેશ મંત્રાલયના પ્રવક્તા રણધીર જયસ્વાલે પ્રેસ બ્રીફિંગમાં જણાવ્યું કે વડાપ્રધાન નરેન્દ્ર મોદી ૩ અને ૪ સપ્ટેમ્બર ૨૦૨૪ના રોજ બ્રુનેઈની મુલાકાતે જવાના છે. પીએમ મોદીની આ મુલાકાત સુલતાન હાજી હસનલ બોલ્કિયાના આમંત્રણ પર થશે. ભારતીય વડાપ્રધાનની બ્રુનેઈની આ પ્રથમ દ્વિપક્ષીય મુલાકાત હશે. આ પછી પીએમ મોદી ૪ અને ૫ સપ્ટેમ્બર ૨૦૨૪ના રોજ બ્રુનેઈના સિંગાપોરના વડાપ્રધાન લોરેન્સ વોંગના આમંત્રણ પર સિંગાપોરની મુલાકાત લેશે.
પીએમ મોદીએ તાજેતરમાં પોલેન્ડ અને યુક્રેનની મુલાકાત લીધી હતી. પોલેન્ડ બાદ પીએમ મોદી ટ્રેન દ્વારા યુદ્ધગ્રસ્ત યુક્રેન પહોંચ્યા. જ્યાં પીએમ મોદી યુક્રેનના રાષ્ટ્રપતિને મળ્યા અને તેમને ગળે લગાવ્યા. જ્યારે બંને નેતાઓ એકબીજાને મળ્યા ત્યારે તેમની વચ્ચે એક અલગ જ બોન્ડ અને હૂંફ દેખાતી હતી. પીએમ મોદી યુદ્ધગ્રસ્ત યુક્રેનના રાષ્ટ્રપતિના ખભા પર મોટા ભાઈની જેમ હાથ રાખતા જ નહી પરંતુ તેમને ગળે લગાવતા પણ જોવા મળ્યા હતા.