અમદાવાદ,વડા પ્રધાન નરેન્દ્ર મોદીના મોટા ભાઈ સોમાભાઈ મોદી મંગળવારે તેમની સ્વર્ગસ્થ માતા હીરાબાને યાદ કરીને ભાવુક થઈ ગયા હતા અને કહ્યું હતું કે તેઓ સ્વર્ગમાંથી વડા પ્રધાનને તેમના આશીર્વાદ આપશે. સોમાભાઈ મોદીએ કહ્યું કે જનતાની જેમ તેઓ પણ ઈચ્છે છે કે તેમના ભાઈ ત્રીજી વખત વડાપ્રધાન બને.
છેલ્લી ચૂંટણીઓ દરમિયાન, અહીં મતદાન કરવા આવતા પહેલા, વડા પ્રધાન મોદી ગુજરાતના ગાંધીનગરમાં તેમની માતાના નિવાસસ્થાને જતા હતા અને તેમને મળ્યા હતા અને તેમના આશીર્વાદ લેતા હતા. હીરાબાનું નિધન ડિસેમ્બર ૨૦૨૨માં થયું હતું. ગાંધીનગર લોક્સભા મતવિસ્તાર હેઠળના રાણીપ વિસ્તારમાં એક મતદાન મથકની બહાર સોમાભાઈએ આંસુભરી આંખો સાથે કહ્યું, મારી માતા હવે નથી, પરંતુ તેઓ સ્વર્ગમાંથી નરેન્દ્રભાઈને તેમના આશીર્વાદ આપતા હશે.
વડાપ્રધાન મોદીએ સવારે ગાંધીનગર લોક્સભા મતવિસ્તારમાં મતદાન કર્યું હતું. સોમાભાઈ મોદી રાણીપમાં મતદાન મથકની બહાર વડાપ્રધાન મોદીને મળ્યા હતા. વડાપ્રધાન મોદી સોમાભાઇને પગે પડયા હતાં અને બંનેએ એકબીજાના ખબર-અંતર પૂછ્યા. તેમણે કહ્યું, આ વિસ્તારના લોકોની જેમ હું પણ ઈચ્છું છું કે નરેન્દ્ર મોદી આ ચૂંટણી પછી ત્રીજી વખત વડાપ્રધાન બને.