નવીદિલ્હી,
શાહરૂખ ખાનની ફિલ્મ પઠાણ બોક્સ ઓફિસ પર ધૂમ મચાવી રહી છે. આ ફિલ્મ વિશ્ર્વભરમાં ૧૦૦૦ કરોડની કમાણી તરફ આગળ વધી રહી છે. પઠાણ ફરી એકવાર સોશિયલ મીડિયા પર ટ્રેન્ડ કરી રહ્યો છે. કારણ કે દેશના વડાપ્રધાન નરેન્દ્ર મોદીએ સંસદમાં પોતાના ભાષણ દરમિયાન કંઈક એવું કહ્યું છે, જે બાદ લોકો શાહરૂખ ખાનની ફિલ્મની ફરી યાદ અપાવી છે.
પીએમ નરેન્દ્ર મોદીના ભાષણની એક ક્લિપ સોશિયલ મીડિયા પર વાયરલ થઈ રહી છે. પીએમ વીડિયોમાં કહે છે – શ્રીનગરની અંદર દાયકાઓ પછી થિયેટર હાઉસફુલ ચાલી રહ્યા છે. પીએમના આ નિવેદન બાદ લોકોએ પઠાણને યાદ કરી છે. યુઝર્સ પીએમની વાતને શાહરૂખ ખાનની ફિલ્મ સાથે જોડી રહ્યા છે. કારણ કે દેશ-વિદેશમાં પોતાની તાકાત બતાવી રહેલા પઠાણે શ્રીનગરમાં પણ પોતાનો ડંકો વગાડ્યો હતો. ૩૨ વર્ષ પછી માત્ર પઠાણના કારણે જ ત્યાંના થિયેટરોમાં શો ફૂલ થયા હતા. વર્ષો પછી શ્રીનગરમાં થિયેટરની બહાર હાઉસફુલનું બોર્ડ લગાવવામાં આવ્યું હતું.
પીએમ મોદીના ભાષણની આ ક્લિપ કિંગ ખાનના ચાહકોમાં લોકપ્રિય બની છે. ચાહકો તેને ગર્વની ક્ષણ ગણાવી રહ્યા છે. એક યુઝરે લખ્યું- હવે દુનિયા માને છે. પઠાણને સૌનો પ્રેમ મળી રહ્યો છે. ઘણા લોકોએ પઠાણની સફળતાને શાહરૂખ ખાનનું સ્ટારડમ ગણાવ્યું છે.
ફિલ્મ પઠાણના બોક્સ ઓફિસ કલેક્શનની વાત કરીએ તો તેણે દુનિયાભરમાં ૮૬૫ કરોડની કમાણી કરી છે. ભારતમાં ફિલ્મનું કલેક્શન ૪૫૦ કરોડને પાર કરી ગયું છે. શાહરૂખ ખાન માટે લોકોનો ક્રેઝ એવો છે કે તેઓ બીજી-ત્રીજી વખત પઠાણના શો જોઈ રહ્યા છે. લોકોનો આ ક્રેઝ જોઈને પઠાણની ટિકિટના ભાવમાં ઘટાડો કરવામાં આવ્યો છે.