પાવાગઢ ખાતે આવેલ ઉષા બેક્રો લિમિટેડ કંપની સંચાલિત માં કાલીકા ઉડનખટોલા દ્વારા રોપવેના ભાવમાં 20 રૂપિયાનો ઘટાડો કરવામાં આવ્યો છે જેને લઈ યાત્રિકોમાં ખુશી જોવા મળી રહી છે
જેમાં જીએસટીમાં રોપવેમાં કરવામાં આવેલા ઘટાડાને પગલે ઉષા બૅક્રો લિમિટેડ કંપની દ્વારા પાવાગઢ ખાતે રોપવેના ભાવમાં ઘટાડો કરી પહેલા જે અવરજવર માટેની ટિકિટ 170 રૂપિયાની હતી તે અવરજવરની ટિકિટનો દર 150 રૂ.કરી નાખવામાં આવતા યાત્રાધામ પાવાગઢ ખાતે રોપવેમાં આવવું જવું યાત્રિકોને 20 રૂપિયા વધુ સસ્તું થવા પામ્યું છે જેમાં રોપવે કંપની દ્વારા રોપવેનો 20 રૂપિયાનો ઘટાડો કર્યા બાદ નવા ભાવના બોર્ડ પણ લગાવી દેવામાં આવ્યા હતા.