ગોધરા,
પંચમહાલના યાત્રાધામ પાવાગઢ ખાતે વડોદરા થી ખાનગી ટ્રાવેલ્સમાં પ્રવાસે આવ્યા હતા. ત્યારે બાવામાન મસ્જીદ પાસે ટ્રાવેલ્સના ચાલકે સ્ટીયરીંગ પરનો કાબુ ગુમાવી દેતાં પલ્ટી ખાઈ હતી. ટ્રાવેલ્સ પલ્ટી જતાં એક મહિલાનું મોત નિપજાવા પામ્યું. જ્યારે 16 લોકોને ઈજાઓ થતાં સારવાર અર્થે હાલોલ રેફરલ હોસ્પિટલમાં ખસેડવામાં આવ્યા.
વિસ્તૃત વિગતો પ્રમાણે પાવાગઢ યાત્રાધામ ખાતે વડોદરા થી ખાનગી ટ્રાવેલ્સમાં યાત્રાળુઓ દર્શન માટે આવ્યા હતા. ત્યારે પાવાગઢ બાવામાન મસ્જીદ પાસે ખાનગી ટ્રાવેલ્સના ચાલકે સ્ટીયરીંગ ઉપરનો કાબુ ગુમાવી દેતાં ટ્રાવેલ્સ રોડ સાઈડે પલ્ટી ખાઈ ગઈ હતી. ટ્રાવેલ્સ પલ્ટી ખાઈ જતાં ટ્રાવેલ્સ નીચે દબાઈ ગયેલ એક મહિલાનું કરૂણ મોત નિપજાવા પામ્યું હતું. જ્યારે બે વ્યકિતઓને ગંભીર ઈજાઓ જ્યારે 14 વ્યકિતઓને નાની મોટી ઈજાઓ પહોંચી હતી. ટ્રાવેલ્સ પલ્ટી જતાં પોલીસ ધટના સ્થળે દોડ આવી હતી અને સ્થાનિકોની મદદ થી ઈજાગ્રસ્તોને 108 મારફતે હાલોલ રેફરલ હોસ્પિટલમાં સારવાર માટે ખસેડવામાં આવ્યા હતા. બે ગંભીર ઇજાગ્રસ્તોને વડોદરા ખસેડવામાં આવ્યા હતા. ટ્રાવેલ્સમાં 18 મુસાફરો પ્રવાસે આવ્યા હતા.
