મુંબઇ,
જ્હોન અબ્રાહમે ’પઠાણ’ ફિલ્મની કલ્પનાતીત સફળતાની ખુશી ૧૭ લાખ રુપિયાની નવી બાઈક છોડાવી છે. સુઝુકી હાયાબુસાનાં ૨૦૨૩નાં મોડલનો જ્હોન પહેલો માલિક બન્યો છે. જ્હોન પાસે અનેક બાઈક્સનો કાફલો છે. ’ધૂમ’ ફિલ્મમાં તેનાં બાઈક રેસિંગ દ્વારા તે યુવાનોમાં ભારે લોકપ્રિય બન્યો હતો.
તેણે ખરીદેલી નવી બાઈક ૧૩૪૦ સીસીનું એન્જિન ધરાવે છે. આ બાઈક્ માં છ સ્પીડ ગિયર બોક્સ છે અને તે કલાકના ૩૦૦ કિમીની સ્પીડે દોડી શકે છે.
’પઠાણ’ના અન્ય કલાકારો શાહરુખ ખાન અને દીપિકા પાદુકોણ બોલીવૂડનાં ટોચનાં સ્ટાર ગણાય છે. પરંતુ, જ્હોનની કારકિર્દી છેલ્લા કેટલાય સમયથી લથડિયાં ખાતી હતી. છેલ્લે છેલ્લે તો તેના પર નાનાં શહેરોમાં ચાલી જતી એક્શન ફિલ્મોના હીરો તરીકનું લેબલ લાગી ગયું હતું. પરંતુ હવે ’પઠાણ’ની સફળતાનૌ સૌથી મોટો ફાયદો જ્હોન અબ્રાહમને મળવાનો હોવાનું મનાય છે.