યુક્રેનના રાષ્ટ્રપતિ વોલોડીમીર ઝેલેન્સકીએ કહ્યું કે તેઓ યુએસ પ્રમુખ જો બિડેન અને તેમના બે સંભવિત અનુગામીઓ કમલા હેરિસ અને ટિમ વાલ્ઝને રશિયા સાથેના યુદ્ધને સમાપ્ત કરવા માટે શાંતિ યોજના રજૂ કરશે. મંગળવારે એક કાર્યક્રમમાં, ઝેલેન્સકીએ કહ્યું કે તે સપ્ટેમ્બરમાં ન્યૂયોર્કમાં સંયુક્ત રાષ્ટ્ર મહાસભામાં ભાગ લેવા માટે યુનાઇટેડ સ્ટેટ્સની મુસાફરી કરશે. આ દરમિયાન તેઓ બિડેનને મળશે.
તેણે રશિયાના કુર્સ્ક ક્ષેત્રમાં તેના સૈનિકોની ઘૂસણખોરીને શાંતિ યોજનાના ભાગ રૂપે વર્ણવી હતી. કહ્યું કે શાંતિ યોજનામાં આથક અને રાજદ્વારી મોરચે અન્ય પગલાં પણ સામેલ છે. તેનો મુખ્ય હેતુ રશિયાને યુદ્ધ સમાપ્ત કરવા દબાણ કરવાનો છે. ઝેલેન્સકીએ કહ્યું કે યોજનાની સફળતા પ્રમુખ બિડેન પર ઘણો આધાર રાખશે. તે યુક્રેનને સમર્થન આપશે કે નહીં? તમને જણાવી દઈએ કે યુક્રેનના આર્મી ચીફે દાવો કર્યો છે કે યુક્રેને રશિયાના કુર્સ્ક ક્ષેત્રના લગભગ ૧,૩૦૦ ચોરસ કિલોમીટર વિસ્તાર પર કબજો કરી લીધો છે.
અમેરિકામાં આ વર્ષના અંતમાં યોજાનારી રાષ્ટ્રપતિની ચૂંટણી ઘણી રસપ્રદ બની રહી છે. ભૂતપૂર્વ રિપબ્લિકન રાષ્ટ્રપતિના ૨૦૦ થી વધુ કર્મચારીઓએ આગામી ચૂંટણીમાં ડોનાલ્ડ ટ્રમ્પને લઈને ભારતીય મૂળના ઉમેદવાર અને ડેમોક્રેટ નેતા કમલા હેરિસને સમર્થન આપવાની જાહેરાત કરી છે. આ લોકોએ ઓપન લેટર પર સહી કરીને પોતાનું સમર્થન વ્યક્ત કર્યું છે.
અમેરિકી વિદેશ વિભાગના દક્ષિણ અને મય એશિયાઈ બાબતોના બ્યુરોએ પાકિસ્તાનના બલૂચિસ્તાન પ્રાંતમાં થયેલા અનેક હુમલા બાદ સખત નિંદા કરી છે. વિભાગના સત્તાવાર એક્સ હેન્ડલ પર જારી કરાયેલા એક નિવેદનમાં, વિદેશ વિભાગે કહ્યું કે, યુનાઇટેડ સ્ટેટ્સ આ હુમલાની સખત નિંદા કરે છે. હુમલામાં અનેક લોકોએ જીવ ગુમાવ્યા હતા. શાંતિને ખલેલ પહોંચાડતી કોઈપણ હિંસા અક્ષમ્ય છે. આતંકવાદ સામેની લડાઈમાં અમે પાકિસ્તાનની સાથે છીએ. જેમણે તેમના પ્રિયજનોને ગુમાવ્યા છે તેમના પ્રત્યે અમે અમારી ઊંડી સંવેદના વ્યક્ત કરીએ છીએ.
યુક્રેનના રાષ્ટ્રપતિ વોલોડીમિર ઝેલેન્સકીએ દાવો કર્યો છે કે તેમની સેનાએ તાજેતરમાં સ્થાનિક રીતે ઉત્પાદિત બેલિસ્ટિક મિસાઈલનું પ્રથમ સફળ પરીક્ષણ કર્યું છે. તમને જણાવી દઈએ કે યુક્રેન અને રશિયા વચ્ચે ૨૮ મહિનાથી વધુ સમયથી યુદ્ધ ચાલી રહ્યું છે. આવી સ્થિતિમાં ઝેલેન્સકીનું નિવેદન ચોંકાવનારું છે.
તાઈવાનના રક્ષા મંત્રાલયે કહ્યું છે કે બુધવારે સવારે ૬ વાગ્યાની આસપાસ લગભગ ૩૦ ચીની ફાઈટર પ્લેન, સાત યુદ્ધ જહાજ અને એક સત્તાવાર જહાજ તાઈવાનની સરહદની આસપાસ ફરતા જોવા મળ્યા હતા. નિવેદન અનુસાર, ૩૦માંથી ૨૭ ફાઈટર પ્લેન્સે પણ તાઈવાનની એરસ્પેસનું ઉલ્લંઘન કર્યું અને તાઈવાન સ્ટ્રેટને પાર કરીને મય રેખા સુધી પહોંચ્યા. તાઈવાને કહ્યું છે કે તે પરિસ્થિતિની સમીક્ષા કરી રહ્યું છે અને સ્થિતિ પર નજર રાખી રહ્યું છે.મંગળવારે પણ તાઈવાન બોર્ડર પાસે ચીનના ૧૫ લશ્કરી વિમાન અને સાત યુદ્ધ જહાજ જોવા મળ્યા હતા. તાજેતરના સમયમાં ચીન તાઈવાન વિરુદ્ધ સતત ઉશ્કેરણીજનક કાર્યવાહી કરી રહ્યું છે. તાજેતરની ઘટના પણ એનો જ સિલસિલો છે.
ગાઝામાં ચાલી રહેલા યુદ્ધ વચ્ચે ઈઝરાયેલની સેનાએ પણ પશ્ર્ચિમ કાંઠા વિસ્તારમાં સૈન્ય કાર્યવાહી શરૂ કરી છે. આ અભિયાન હેઠળ સેંકડો ઇઝરાયેલી સૈનિકોએ પશ્ર્ચિમ કાંઠા વિસ્તારમાં દરોડા પાડ્યા હતા. મીડિયા રિપોર્ટ્સમાં દાવો કરવામાં આવ્યો છે કે આ અભિયાનમાં નવ પેલેસ્ટાઈનના મોત થયા છે.