બૉલિવૂડ અભિનેત્રી પરિણીતી ચોપરા અને આમ આદમી પાર્ટીના નેતા રાઘવ ચઢ્ઢા ચર્ચામાં છે. તાજેતરમાં આ કપલ મુંબઈમાં સતત બે ડિનર અને લંચ ડેટ્સ પર જોવા મળ્યું હતું, ત્યારબાદ તેમના અફેરની અફવાઓ તેજ થઈ ગઈ હતી. જો કે બંને પોતાના સંબંધો અંગે મૌન સેવી રહ્યા છે. આ બધાની વચ્ચે સિંગર અને એક્ટર હાર્ડી સંધુએ કન્ફર્મ કર્યું છે કે પરિણીતી અને રાઘવ જલ્દી લગ્ન કરી રહ્યા છે.
હાર્ડીએ કહ્યું કે તે ખુશ છે કે પરિણીતી આખરે જીવનમાં સેટલ થઈ રહી છે. તેણે કહ્યું, હું ખૂબ જ ખુશ છું કે આખરે તે થઈ રહ્યું છે. હું તેમને શુભેચ્છા પાઠવું છું. તેણે એ પણ શેર કર્યું કે જ્યારે તે તેની ૨૦૨૨ની સ્પાય-થ્રિલર લ્લકોડ નેમ: તિરંગાલ્લનું શૂટિંગ કરી રહ્યો હતો, ત્યારે તેના લગ્ન વિશે ચર્ચા થઈ હતી.અમે જયારે લગ્ન મુદ્દે વાત કરી રહ્યાં હતા ત્યારે તેણીએ કહ્યું હતું કે લ્લહું ત્યારે જ લગ્ન કરીશ જ્યારે મને લાગશે કે મને યોગ્ય વ્યક્તિ મળી ગયો છેલ્લ. તેણે એ પણ પુષ્ટિ કરી કે તેણે પરિણીતી સાથે વાત કરી છે અને તેણીને ફોન પર અભિનંદન પાઠવ્યા છે. તેણે કહ્યું, હા, મેં તેને ફોન કર્યો અને અભિનંદન આપ્યા.
અગાઉ, આમ આદમી પાર્ટીના નેતા સંજીવ અરોરાએ મંગળવારે તેમના ટ્વિટર એકાઉન્ટ પર રાઘવ અને પરિણીતીને તેમના લગ્ન માટે અભિનંદન આપ્યા હતા. તેણે લખ્યું, હું રાઘવ ચઢ્ઢા અને પરિણીતી ચોપરાને મારા હૃદયપૂર્વક અભિનંદન પાઠવું છું. તેમના સંઘને ઘણા પ્રેમ, ખુશીઓ અને સમર્થન પ્રાપ્ત થાય. મારી શુભેચ્છાઓ!!!
બીજી તરફ લગ્નની અફવાઓ વચ્ચે બુધવારે રાત્રે પરિણીતી અને રાઘવ દિલ્હી એરપોર્ટ પર સાથે જોવા મળ્યા હતા. આ દરમિયાન પરિણીતી પત્રકારોને ટાળીને ઉતાવળમાં કારમાં પ્રવેશતી જોવા મળી હતી. તેણે બ્લેક કલરનો ડ્રેસ પહેર્યો હતો. જ્યારે રાઘવ તેમની સાથે જઈ રહ્યો હતો અને તે પણ ઝડપથી કારની અંદર જઈને બેસી ગયો હતો.