ગોધરા, પંચમહાલ જીલ્લામાં ઉત્તરાયણના દિવસે બે બાઈક અકસ્માતના બનાવો બન્યા હતા. શહેરા તાલુકાના તાડવા અને ગોધરા તાલુકાના ચંચેલાવ ગામ પાસે બાઈકો વચ્ચે અકસ્માતના બનાવમાં 6 વ્યકિતને ઈજાઓ થવા પામી. તમામ ઈજાગ્રસ્તોને 108 એમ્બ્યુલન્સ દ્વારા સિવિલ માટે ખસેડવામાં આવ્યા વધારે ગંભીર ઈજાગ્રસ્ત બે વ્યકિતને વડોદરા ખસેડવામાં આવ્યા.
પ્રાપ્ત વિગતો મુજબ પંચમહાલ જીલ્લામાં મોડી સાંજે શહેરા તાલુકાના તાડવા પાટીયા પાસે બે બાઈકો વચ્ચે અકસ્માત સર્જાયો હતો. જ્યારે ગોધરા તાલુકાના ચંચેલાવ ગામ પાસે બે બાઈકો વચ્ચે અકસ્માત સર્જાયો હતો. બે અકસ્માતના બનાવમાં 6 વ્યકિતને ઈજાઓ થવા પામી હતી. તમામ ઈજાગ્રસ્તોને સારવાર માટે ગોધરા સિવિલમાં ખસેડવામાં આવ્યા હતા. તે પૈકી બે ઈજાગ્રસ્તોની હાલત ગંભીર હોવાથી વડોદરા એસ.ઓ.જી. હોસ્પિટલમાં રીફર કરવામાં આવ્યા હતા.