ગોધરા, ગોધરા શહેરની સેન્ટ આર્નોલ્ડ સ્કુલમાં ધો.10 ગુજરાતી મીડિયમમાં અભ્યાસ કરતી પ્રજાપતિ માહી વિજયકુમારે તાજેતરમાં યોજાયેલી ગુજરાત માધ્યમિક અને ઉચ્ચત્તર માધ્યમિક શિક્ષણ બોર્ડ દ્વારા માધ્યમિક શાળાંત પ્રમાણપત્ર પરીક્ષા એસ.એસ.સી.બોર્ડ માર્ચ 2023 માં અથાગ મહેનત થકી 85.63% પર્સેન્ટાઇલ રેન્ક મેળવી શાળા તેમજ પ્રજાપતિ સમાજની સાથે સાથે પોતાના માતા પિતાનું ગૌરવ પણ વધાર્યું છે. માહીના પિતા ગોધરા શહેરમાં પેપર વિતરણ વ્યવસાય સાથે સંકળાયેલા છે.જ્યારે માતા ઘરે દરજી કામ કરે છે.આમ માહી માતા પિતાને મહેનત અને અથાગ પરિશ્રમ કરતા જોઈ પોતે ભણશે તો જ ઉધ્ધાર થશે.તેમ માની તનતોડ મહેનત કરી આ સિદ્ધિ હાંસલ કરી હતી. ત્યારે માહી પ્રજાપતિની આ સિદ્ધિ બદલ શાળા પરિવાર તેમજ પ્રજાપતિ સમાજ દ્વારા શુભેચ્છાઓ પાઠવવામાં આવી હતી.