ગોધરા,પંચમહાલ અને દાહોદ જીલ્લા અલગ-અલગ પોલીસ મથકના પ્રોહિબીશન ગુન્હાના વોન્ટેડ આરોપીને ગોધરા એલ.સી.બી.પોલીસે બાતમીના આધારે દે.બારીયા હાટ બજાર માંથી ઝડપી પાડવામાં આવ્યો.
પ્રાપ્ત વિગતો મુજબ પંચમહાલ અને દાહોદ જીલ્લાના વિવિધ પોલીસ મથકમાં પ્રોહિબીશનના ગુન્હામાં આરોપી ધુળાભાઈ ઉર્ફે ધુળસીંગ બચુભાઈ રાઠવા (રહે. કાછલા સ્કુલ ફળીયા, તા.કઠીવાડા, અલીરાજપુર, એમ.પી.) છેલ્લા 13 વર્ષથી નાસતો ફરતો વોન્ટેડ આરોપી હોય આરોપી અંગે પંચમહાલ એલ.સી.બી.ને બાતમી મળી હતી કે, આરોપી દે.બારીયા ખાતે હાટમાં ખરીદી કરવા આવનાર છે. તેવી ચોકકસ બાતમીના આધારે એલ.સી.બી.પોલીસે ખાનગી વોચ ગોઠવીને આરોપી ધુળાભાઈ ઉર્ફે ધુળસીંગ રાઠવાને ઝડપી પાડી આગળની કાર્યવાહી હાથ ધરી છે.